Rusiya Xarici İşlər Nazirliyi bəzi Mərkəzi Asiya ölkələrinin Rusiyaya qarşı sanksiyalara qoşula biləcəyini bildirib. Belə ki, Rusiya Federasiyası xarici işlər nazirinin müavini Mixail Qaluzin bildirib ki, Rusiyanın kollektiv Qərblə qarşıdurması kontekstində, Qərb müttəfiq və əməkdaşlarımızı sanksiyalarla hədələyir. Ona görə də Mərkəzi Asiya dostlarımız çətin anlar yaşayırlar. Onun sözlərinə görə,bu səbəbdən dolayı olaraq həmin dövlətlər bu hədə qorxu kontekstində Rusiya ilə əməkdaşlıqdan çəkinirlər və həmin sanksiyalara dəstəklərini göstərirlər. Burada isə belə bir sual yaranır:

Bəs Azərbaycan bu anti – Rusiya sanksiyaları prosesində iştirak edə bilərmi?

Ednews – a açıqlanmasında Milli Məclis vəkili Rasim Musəbəyov bu təhdidlərin səbəbi olaraq Avrasiya İttifaqını göstərib. 

“Həmin qeyd etdiyiniz dövlətlər Rusiya ilə Avrasiya İttifaqındadırlar. Orada Ermənistan və Mərkəzi Asiya ölkələrindən Rusiyaya paralel olaraq idxal əməliyyatlar var. Bura bu dövlətlərin mərkəzi marketi olaraq istifadə edilir. İttifaq daxilində bank əməliyyatları həyata keçirilir. Azərbaycan isə buranın üzvü deyil və Rusiya kontekstində qətiyyən təhdid edilmir, təzyiqlərlə üzləşmir. Qərbin əsas hədə - qorxusu odur ki, həmin adını sadaladığım dövlətlər bu İttifaq daxilində bank əməliyyatlarını davam etdirəcəyi təqdirdə, onları SWIFT (Ümumdünya Banklararası Maliyyə Telekommunikasiya Cəmiyyəti) cəmiyyətindən və dollardan məhrum edəcək. Belə bir əməliyyat isə Azərbaycan üzərindən həyata keçirilmir. Digər bir məsələ ondadır ki, Azərbaycan və Rusiya arasındakı ticarəti ikitərəfli şəkildə keçirilir. Bu səbəbdən heç bir Qərb ölkəsi Azərbaycanı hədələyə bilməz”.

Əkbər Novruz