İspaniyanın cənub-qərbində, Kadis sahillərinə yaxın ərazidə mifoloji Atlantidanın qalıqları aşkar edilib.
EDnews xəbər verir ki, bu barədə arxeoloq Maykl Donnellan xəbər verib.
Onun sözlərinə görə, səkkiz il hidrolokator və digər qurğular vasitəsilə axtarış aparıb və nəhayət dəniz dibində 6 metr hündürlüyündə nəhəng dairəvi divarlardan ibarət kompleks tikililər, həmçinin Poseydon məbədinin xarabalıqlarını tapıb. Divarlar sunaminin dağıntılarına məruz qalıb.
Tədqiqatçılar bu kəşfin Atlantida ilə bağlı müzakirələri dəyişdirəcəyini və onun mövcudluğunun mif yox, fakt kimi qəbul olunmasına səbəb olacağını düşünürlər.
Qeyd edək ki, Atlantidanın mövcudluğu ilə bağlı mübahisələr qədim dövrlərdən davam edir.
