Türkiyə Prezidenti Rəcəb Tayyib Ərdoğan və Şimali Kipr Türk Cümhuriyyətinin (ŞKTC) lideri Ersin Tatar tərəfindən mükafatlandırılan “TECHNOFEST-2025” Aviasiya, Kosmonavtika və Texnologiya Festivalının qalibləri arasında Azərbaycanın “Qızılqaya-BHOS” komandası da yer alıb.
“EDnews” xəbər verir ki , Azərbaycan komandası “Turizm texnologiyaları” kateqoriyasında yarışan universitet tələbələri arasında ən yaxşısı seçilib.
Türkiyə və ŞKTC liderləri tərəfindən mükafatların təqdimatı anında “Qızılqaya-BHOS” komandasının üzvləri məşhur festivalın minlərlə iştirakçısı qarşısında Azərbaycan bayrağını açıblar.
Bundan əvvəl “TECHNOFEST” festivalının Müşahidə Şurasının sədri, Türkiyə Texnologiya Komandası (T3) Vəqfinin rəhbəri Selçuk Bayraktar komandanın üzvləri ilə görüşüb.
Ümumilikdə, bir neçə Azərbaycan komandası “TECHNOFEST-2025”in final mərhələsinə yüksəlib.
Fatimə Mərdanlı //EDnews
.jfif)
