Kolumbiya Universitetinin amerikalı alimləri Hindistanın Karnataka ştatında yeraltı suların uranla təhlükəli çirklənməsinin aşkar ediblər.
“EDnews” xəbər verir ki, tədqiqat “Environmental Science & Technology (ES&T)” elmi jurnalında dərc olunub.
Araşdırma nəticəsində məlum olub ki, bölgədəki su nümunələrinin 78%-də təhlükəsiz səviyyədən yuxarı konsentrasiyalarda uran var və bəzi ərazilərdə bu rəqəm 75 dəfə çoxdur.
Qabaqcıl izotop analizi üsullarından istifadə edərək alimlər yeraltı sulu təbəqələrdə uranın miqrasiya yollarını izləyə biliblər. Məlum olub ki, oksigenin olduğu oksidləşdirici şəraitdə uran asanlıqla həll olunur və su ilə hərəkət edir, anoksik reduksiya zonalarında isə bərk birləşmələr şəklində çökür.
Tərkibində uran yüksək olan suyun uzun müddətli istifadəsi böyrək, qaraciyər və skelet sisteminə ciddi ziyan vura bilər. Karnataka ştatında 25 milyon insan belə təsirlərə məruz qalır.
