Azərbaycan Asiyada Qarşılıqlı Fəaliyyət və Etimad Tədbirləri üzrə Müşavirəyə sədrliyi çərçivəsində inklüziv inkişafa, o cümlədən Qadınlar Şurasının yaradılmasına diqqət yetirir.Baş katib qeyd edib ki, qadınların hüquq və imkanlarının genişləndirilməsi təkcə ədalət məsələsi deyil, həm də davamlı inkişaf üçün strateji zərurətdir.

EDnews xəbər verir ki, bunu təşkilatın baş katibi Kayrat Sarıbay Bakıda keçirilən Qarşılıqlı Fəaliyyət və Etimad Tədbirləri üzrə Müşavirənin Biznes Şurasının 8-ci plenar sessiyası zamanı bildirib.

''Qadınlar Şurasının yaradılması institusional qarşılıqlı fəaliyyət platforması olacaq. Bundan başqa, AQEM-in məşvərət orqanları - Biznes Şurası və Gənclər Şurası arasında sinergiyanı inkişaf etdirmək də vacibdir, çünki gənclər innovasiyaların əsas mənbəyidir", - K.Sarıbay bildirib.

Onun sözlərinə görə, universitetlərin tərəfdaşlıq şəbəkəsi gənc tədqiqatçıların kiçik və orta biznesin inkişafına cəlb edilməsi üçün istifadə edilə bilər: "Bu, BMT-nin Dayanıqlı İnkişaf Məqsədlərinə, xüsusilə Keyfiyyətli təhsil və Layiqli iş və iqtisadi artım məqsədlərinə uyğundur".

Mədinə Məmmədova//Ednews