Cənubi Qafqaz üzrə ekspert, Rusiyalı ekspert-analitik şəbəkəsinin rəhbəri Vitaliy Arkov, Şuşada keçirilən qeyri-rəsmi Türkdilli Dövlətlərin Sammitinin nəticələrini şərh edərək:
"Türkdilli ölkələr təkcə mədəni-maarif sahəsində Azərbaycanla fəal əməkdaşlıq etmirlər, həm də Qarabağ bölgəsinin bərpası işində həmrəylik nümayiş etdirirlər. Güclü iqtisadiyyata malik Azərbaycan, əlbəttə ki, lideri İlham Əliyev tərəfindən qoyulan iddialı vəzifələri həyata keçirmək üçün kifayət qədər imkanlara malikdir. Lakin türkdilli ölkələrin ona bu işdə yardımı yalnız kömək kimi deyil, həm də investisiya kimi qiymətləndirilməlidir – regionun potensialı kolossal və böyük xarici biznes üçün cəlbedicidir: mədən sənayesi, turizm, kənd təsərrüfatı, nəqliyyat-loqistika infrastrukturu... Bəli, bütün bunlar hazırda ciddi sərmayələr tələb edir, lakin bunlar yüksək gəlirli layihələrdir. Açığını desək, Ermənistanın Qarabağın işğalı dövründə üç onillik ərzində bu regionun kolossal iqtisadi potensialından demək olar ki, istifadə etməməsi çox qəribədir, halbuki bu bölgə Yerevandan maliyyələşdirilirdi. Buradan belə nəticəyə gəlmək olar ki, Ermənistan rəhbərliyi vəziyyəti obyektiv qiymətləndirib, başa düşürdü ki, bu – yad torpaqdır, gec-tez onunla vidalaşmaq lazım gələcək. Axı Qarabağ həqiqətən qədimdən erməni torpağı olsaydı, hər kəsə təlqin etməyə çalışdıqları kimi, ona tamamilə fərqli münasibət bəslənərdi".
