ABŞ-ınyeni sanksiyaları ilə ağır vəziyyətə düşən və iqtisadi böhrandan əziyyət çəkən Kubanın turizm sənayesini canlandırmaq üzrə son cəhd göstərilir. Havana bu məsələdə Çindən daha çox turist cəlb etməyə ümid edir.

  “EDnews” xəbər verir ki ,  Kubanın ONEI statistika agentliyinin son məlumatlarına əsasən, adanın ən mühüm xarici valyuta mənbəyi olan əcnəbi turist axını 2025-ci ilin birinci rübündə demək olar ki, üçdəbir azalıb. Bu, arxipelaqın yüksək səviyyəli rəsmilərini alternativlər axtarmağa məcbur edən həyəcan siqnalıdır.

ONEI-nin məlumatına görə, 2025-ci ilin əvvəlində yaxın vaxtlara qədər Kubanı populyar səyahət istiqaməti hesab edən Rusiya, Kanada, İspaniya və İtaliyadan gələn turistlərin sayı azalıb. Kubalı amerikalılar da daxil olmaqla, ABŞ-dan gələnlərin sayı da birinci rübdə kəskin şəkildə azalıb.

Adanın bu il Çinə həsr olunmuş illik turizm yarmarkasının açılışında Kubanın turizm naziri Xuan Karlos Qarsiya deyib: “Sirr deyil ki, ölkəmiz və xüsusən də turizm sektoru son zamanlar çətin vəziyyətlə üzləşib”.

Asiyanın ən güclü ölkəsi iki ölkə arasındakı böyük məsafəyə baxmayaraq Kubanın turizm sektorunun inkişafı üçün münbit zəmin ola bilər.

Keçən ilin may ayında “Air China” aviaşirkəti iki ölkə arasında ilk birbaşa uçuşunu həyata keçirdi. Bu, 24 saatlıq çətin aviareys olsa da, ziyarətçi sayını artırmağa kömək etdi. Çinlilər Karib dənizindəki ada ölkəsinə səfər etmək üçün viza tələblərindən də azaddırlar.

Fatimə Mərdanlı //EDnews