Cənubi Koreya çərşənbə axşamı, aprelin 15-də ölkənin həyati əhəmiyyətli yarımkeçirici sənayesi üçün 23 milyard dollardan çox dəyərində genişləndirilmiş dəstək paketi elan edib.

“EDnews” xəbər verir ki , hökumətin bəyanatına görə, tədbirlər ABŞ-ın hazırkı administrasiyası dövründə siyasi qeyri-müəyyənliyin gücləndiyi və çinli rəqiblərin rəqabətinin artdığı bir vaxtda hökumətə dəstəyi genişləndirmək çağırışlarına cavab olaraq həyata keçirilir.

“Reuters” agentliyi xəbər verir ki, Asiyanın dördüncü ən böyük iqtisadiyyatı dünyanın ən böyük yaddaş çipləri istehsalçısına ev sahibliyi edir.

Hökumətin məlumatlarına görə, Cənubi Koreyanın yarımkeçiricilər ixracı 2024-cü ildə 141,9 milyard ABŞ dolları dəyərində olub ki, bu da ölkənin ümumi ixracının 21 faizini təşkil edib. Çin və ABŞ-a tədarüklər müvafiq olaraq 46,6 milyard və 10,7 milyard dollar təşkil edib.

ABŞ Prezidenti Donald Tramp bazar günü idxal edilən yarımkeçiricilər üçün tarifin miqdarını gələn həftə açıqlayacağını, sektordakı bəzi şirkətlərin çeviklik nümayiş etdirəcəyini bildirib.

Keçən həftə Cənubi Koreya özünün avtomobil sektoru üçün təcili dəstək tədbirləri elan edərək illərdir Birləşmiş Ştatlara ixracatda artım müşahidə olunan bir sektora ABŞ tariflərinin zərbəsini yumşaltmağa çalışır.

Tədbirlərə avtomobil sənayesinə maliyyə dəstəyi, habelə daxili tələbatı artırmaq üçün vergi endirimləri və subsidiyalar daxildir. Eyni zamanda, hökumət ABŞ ilə danışıqlar aparmaq və bazarları genişləndirməyə kömək etmək üçün səy göstərəcəyini vəd edib.

Fatimə Mərdanlı // EDnews