“Aİ hərbi sənayeni canlandırmaq üçün genişmiqyaslı layihə hazırlayır”.

“EDnews” xəbər verir ki, bu barədə Avropanın “Politico” nəşri məlumat yayıb.

 Aİ Ukraynanı dəstəkləmək və Rusiyanı cilovlamaq məqsədi daşıyan hərbi-sənaye kompleksinə investisiyaların və hərbi istehsalın artırılması üzrə irimiqyaslı layihəyə başlamaq niyyətindədir.

Sənəd Avropa Komissiyasının müdafiə üzrə komissarı Andrius Kubilius və Avropa diplomatiyasının rəhbəri Kaya Kallas tərəfindən hazırlanıb və gələn həftə Aİ liderlərinə təqdim olunacaq.

Onun mətnində deyilir: “Avropanın müdafiəsini canlandırmaq genişmiqyaslı investisiya tələb edir”.

Beləliklə, sənəddə deyilir ki, Avropa hərbi sənaye kompleksinin bərpası Aİ-nin icma daxilində istehsal olunan müdafiə təyinatlı məmulatlarının alınması imkanını prioritet olaraq nəzərdən keçirməlidir. Həmçinin Avropa Komissiyasının “mərkəzi satınalma orqanı” rolunu oynamaqla, Avropada bazarın parçalanmasına qarşı mübarizə aparmaq üçün icma ölkələri tərəfindən silahların “birgə satın alınması”nın təşkili təklif edilir.

Ümumilikdə, sənəd hava və raket hücumundan müdafiə, artilleriya sistemlərinin, döyüş sursatlarının və raketlərin istehsalı, PUA-ların dizaynı, hərbi mobilliyin inkişafı, müdafiədə yüksək texnologiyaların tətbiqi və mühüm infrastrukturun mühafizəsi daxil olmaqla, sərmayə qoyuluşunun yeddi əsas istiqamətini müəyyən edir.