Banqladeş və Pakistan 1971-ci ildə suveren Benqal dövləti elan edildikdən sonra kəsilən ikitərəfli ticarət əlaqələrini bərpa edib.
“EDnews” xəbər verir ki, bu barədə "The Times of India" nəşri məlumat yayıb.
Fevralda Dəkkə və İslamabad arasında Pakistan Ticarət Korporasiyası vasitəsilə 50 min ton düyü tədarükü haqqında saziş imzalandıqdan sonra 25 min ton düyünün yükləndiyi ilk gəmi Pakistanın Qasim limanından Banqladeşə yola düşüb. İkinci analoji partiya ölkəyə martın əvvəlində tədarük ediləcək. Banqladeş və Pakistan düyü ixracına başlanılmasının iki ölkə arasında iqtisadi əməkdaşlığın gücləndirilməsi və ticarətin bərpası istiqamətində müsbət addım olduğunu bildirib.
1971-ci ilin mart ayına qədər Banqladeş Pakistanın tərkibinə daxil olub. Milli azadlıq müharibəsində Hindistan qoşunlarının dəstəyi ilə Pakistan ordusu üzərində qazanılan qələbə nəticəsində Banqladeş 1971-ci il martın 26-da müstəqilliyini elan edib. Ölkə qonşu Hindistanla əlaqələri inkişaf etdirməyə başlayıb, Pakistanla ticarət əlaqələri kəsilib.
