Tesla satılmamış elektrik avtomobil ehtiyatlarını azaltmaq üçün Model Y qiymətlərini əhəmiyyətli dərəcədə azaltmalı oldu və həmçinin avtomobilləri tez satmaq üçün üç aylıq pulsuz Tam Avtonom Sürmə beta təqdim edir.

Ednews Bloomberg-ə  istinadən xəbər verir ki, Tesla artıq stok endiriminin və qlobal satışların azalmasının səbəbini Almaniyadakı fabrikinin bağlanması ilə əlaqələndirir. Ancaq bəzi analitiklər bu nəzəriyyəni qəbul etmirlər. JPMorgan Chase & Co. analitik Ryan Brinkman bildirir ki, Teslanın birinci rübdə istehsal etdiyi və satdığı avtomobillərin sayı arasındakı fərq bu vəziyyətin tələblə bağlı olmadığını göstərir.

Ötən cümə günü Tesla-nın səhmlərinin dəyəri təxminən 2,7% azalıb . İl ərzində onun səhmlərinin dəyəri 33% -dən çox azalıb . Xəbərlərdə Amerikada həddindən artıq stokda olan Tesla Model Y-lərin qiymət endirimlərindən bəhs edildiyi üçün endirimlərin Türkiyədəki Tesla modellərinə birbaşa təsir edəcəyini söyləmək çətindir.

Bununla belə, qlobal bazarlardakı dəyişikliklər çox vaxt digər bazarlara da təsir edə bilər. Teslanın Türkiyədəki qiymət siyasəti bir çox amillərdən asılı ola bilər, məsələn, yerli tələb , idxal vergiləri, valyuta məzənnələri və logistika xərcləri . Ona görə də Türkiyə bazarı üçün istənilən qiymət korreksiyasının şirkətin yerli strategiyalarından və bazar şərtlərindən asılı olacağını söyləmək olar.

Xəyal Ramiz