Vətəndaş müharibəsinin getdiyi Sudanda insanlar texnologiya milyarderi İlon Maskın Starlink peyklərindən qeyri-qanuni istifadə edərək internetə qoşulurlar.

Ednews odatv-ə istinadən xəbər verir ki, SpaceX tərəfindən istehsal olunan peyklər vətəndaş müharibəsinin davam etdiyi Sudanda qanuni olaraq satılmır.

Fransanın AFP xəbər agentliyinə danışan və kimliyini açıqlamayan satıcı cihazların Liviya, Cənubi Sudan və ya Eritreya vasitəsilə ölkəyə gətirildiyini bildirib.

Paytaxt Xartumdan təxminən 120 kilometr cənubda internet kafe işlədən Muhammed Bellah, peyklərdən istifadənin baha olduğunu, lakin üç gün kimi qısa müddət ərzində bunun pulunu ödəyə biləcəyini söylədi.

Sudanda Suverenlik Şurasının sədri general Əbdülfəttah Burhanın komandanlığındakı ordu ilə general Muhammed Hamdan Dagalonun rəhbərlik etdiyi paramiliter Çevik Dəstək Qüvvələri (HDK) arasında yaranan fikir ayrılığı aprelin 15-də qızğın qarşıdurmaya çevrilib.

Birləşmiş Millətlər Təşkilatının məlumatlarına görə, indiyədək qarşıdurmalarda təxminən 14 min insan həyatını itirib, ən azı 8,5 milyon insan isə didərgin düşüb.

Starlink-dən istifadə edən internet kafe sahibi HDK işçilərinin hər gün gələrək ondan 140 dollar tələb etdiyini bildirib.

Xəyal Ramiz