Rusiyanın xarici işlər naziri Sergey Lavrov Ukraynanın sülh planını rədd edərək, Moskvadan qoşunlarını hazırda işğal etdiyi ərazilərdən çıxarmağı tələb etməyin mənasız olduğunu deyib.
Ednews The Kyiv Independent-ə istinadən bildiririrki, Lavrov martın 29-da Moskvanın ‘İzvestiya’ qəzetinə müsahibəsində bildiribki, “Biz istənilən halda müzakirələr aparmağa hazırıq, lakin Zelenskinin “sülh formulu” əsasında yox”. Zelenski 2022-ci ilin noyabrında bir çox Qərb müttəfiqləri tərəfindən dəstəklənən 10 bəndlik sülh formulasını təqdim etdi. Bu sülh formuna Ukraynanın ərazi bütövlüyünün bərpası, Rusiya qoşunlarının Ukraynadan tam çıxarılması, bütün hərbi əsirlərin və deportasiya edilənlərin azad edilməsi daxildir. Təkliflər həmçinin müharibə cinayətlərinə görə məsuliyyət daşıyanların cəzalandırılmasını, Ukraynada ekosidlərin qarşısının alınmasını, enerji və ərzaq təhlükəsizliyinin, eləcə də nüvə təhlükəsizliyinin təmin edilməsini tələb edir. “Vaşinqtonda, Brüsseldə, Londonda, Parisdə və ya Berlində hər hansı ciddi siyasətçi necə deyə bilər ki, Zelenskinin sülh planına alternativ yoxdur”, - Lavrov bildirib. Rusiya artıq bu ilin sonunda İsveçrədə keçirilməsi planlaşdırılan Ukrayna sülh sammitinə dəvət edilsə belə, iştirak etməyəcəyini bildirib. “Bütün bunlar ABŞ-da xarici siyasətin diplomatiyadan necə istifadə etməyi bilməyən insanlar tərəfindən idarə olunması ilə nəticələnir”, o əlavə edib.
Nahid
