Son aylar İrəvan Avropa İttifaqını Cənubi Qafqazın problemlərində iştiraka fəal şəkildə cəlb edir.
Ednews xəbər verir ki, bu barədə Rusiya prezidentinin mətbuat katibi Dmitri Peskov “Arqumentı i faktı” nəşrinə müsahibəsində Rusiya ilə Ermənistan arasındakı münasibətlərdəki çətinlikləri şərh edərkən deyib.
“Xüsusilə də Ermənistan Bakının istəyinin əksinə olaraq Azərbaycanla sərhəddə Avropa müşahidə missiyasına icazə verib. Qafqaz regionu təəssüf ki, müxtəlif regiondankənar qüvvələrin diqqətini cəlb edir. Biz əminik ki, bu qüvvələrin iştirakı ciddi şəkildə məhdudlaşdırılmalıdır, çünki bu, orada sabitlik və firavanlıq gətirə bilməz” – Peskov qeyd edib.
