“Erməni saxtakarlıqları bu gün də davam edir. Mənim əlimdə elə kitablar var ki, 2022-ci ildə buraxılıb. Bu o deməkdir ki, cavab verməliyik”.
Ednews xəbər verir ki, bu sözləri Xocalı soyqırımının 32-ci ildönümündə jurnalistlərə açıqlamasında Əqli Mülkiyyət Agentliyinin İdarə Heyətinin sədri Kamran İmanov deyib.
Onun sözlərinə görə ermənilər bizim mədəni irsimizi uzun illər mənimsəməyə çalışıb:
“Milli mənəvi dəyərlərimiz bizim keçmişimizdir. Bu elə bir keçmişdir ki, ona baxmadan gələcəyə getmək yolumuz yoxdur. Bizi birləşdirən keçmiş və gələcəyimizdir. O baxımdan istər maddi, istərsə də qeyri-maddi irsimizin qorunması, milli mənəvi ruhumuzun təhlükəsizliyi deməkdir. Hər bir erməni yalanı ifşa olunmalıdır".
