Ermənistan 2025-ci ilin sonunadək Kollektiv Təhlükəsizlik Müqaviləsi Təşkilatının (KTMT) büdcəsinə üzvlük haqqını ödəmədiyi təqdirdə, təşkilata üzv ölkələr müxtəlif ssenarilərə baxa bilərlər.
“EDnews” xəbər verir ki, bu barədə Rusiya xarici işlər nazirinin müavini Aleksandr Pankin bildirib.
Onun sözlərinə görə, bu halda KTMT üzvünün artıq iki ildir ki, üzvlük haqqını ödəmədiyi vəziyyət yaranacaq:
"Güman ki, heç kim heç kimi qovmayacaq, heç kim avtomatik olaraq getməyəcək. Lakin yəqin ki, ölkələr arasında gələcək əməkdaşlığın modallığı məsələsinə baxmaq olar. Bunu onlar özləri gedəcək və ya onları qovacaqlar kimi qəbul etmək lazım deyil, çünki mən müxtəlif şəxslərin fikirlərini oxuyuram", - A.Pankin vurğulayıb.
Nazir müavini bildirib ki, artıq digər ölkələrin texniki, maliyyə və digər səbəblərdən borclarının yarandığı hallar olub.
A.Pankin əlavə edib ki, İrəvanla KTMT üzrə dialoq davam edir: "Həmişə ən yaxşısına ümid edirik. Bizim İrəvanla bütün gündəlik üzrə: ikitərəfli, regional və beynəlxalq danışıqlarımız gedir".
