Ərəb mediasında paylaşılan məlumatlara əsasən, yaxın günlərdə FƏTH (Fələstin Milli Qurtuluş Hərəkatı) və HƏMAS hərəkatlarının arasında növbəti görüş baş tutacaq. Bildirilir ki, bu görüşün məqsədi Qəzzada son vəziyyəti müzakirə etmək və FƏTH və HƏMAS arasında olan fikir ayrılığına son qoymağdır. Qeyd edək ki, Çin, münaqişə başlandığı tarixdən etibarən Fələstin mövqeyini qoruduğunu bariz şəkildə bildirib. Bəs bu görüş Qəzza müharibəsinə necə təsir edəcək? Bu görüş FƏTH və HƏMAS arasında siyasi fikir ayrılığını aradan qaldırmağa kömək edə bilər mi?
Mövzu ilə bağlı siyasi elmlər professoru və Milli Sosial və Kriminoloji Tədqiqatlar Mərkəzinin İctimai Rəyin Öyrənilməsi və Ölçülməsi şöbəsinin müdiri Dr. Hanan Abuskin Ednews -a özəl açıqlama verib:
"Bu görüş Fəth və HƏMAS hərəkatları arasında keçirilən ilk görüş deyil, çünki Çin Fələstin siyasi partiyalarının fikirlərini bir-birinə yaxınlaşdırmaq məqsədi ilə bu ilin aprelində keçrilən görüşə ev sahibliyi etmişdi, lakin bunun heç bir faydası olmadı. Pekin FƏTH və HƏMAS arasında vasitəçi rolunu oynamağa başladı və Fələstin siyasi partiyaları arasında həmrəylik əldə olunana qədər danışıqların davam etdirilməsinə çağırdı".
Ekspert hesab edir ki, bu görüş Yaxın Şərqə sülh bərpa edilməsi üçün Çinin yeni addımıdır:
“Bu həmçinin danışıqların davam etdirilməsi kontekstində başa düşülə bilər digər tərəfdən Qəzza müharibəsi hələ də davam edir və indiyə qədər bu müharibənin bitməsinə ümid yoxdur, ona görə hesab edirəm ki, bu müharibə ilin sonuna qədər davam edəcək. Yeri gəlmişkən İsraildə seçkilər bu ilin sonunda keçirilməsi planlaşdırılır. Netanyahuya gəlincə onun məhkəməsi yaxın günlərdə başlayacaq və Netanyahu müharibəni etdirmək üçün yeni bəhanələrə əl atacaq. Beləliklə, bu görüş Yaxın Şərqə sülh bərpa edilməsi üçün Çinin yeni addımı hesab olunur. Bəlkə bu görüş gözləninən nəticəni verməyəcək lakin bu görüşlərin davam etdirilməsi Fələstin siyasi partiyaları arasında fikirlərin yaxınlaşması mərhələlərinə çatmaq üçün vacibdir”.
Ekspert həmçinin Çinin regionda rolundan danışıb:
“Çin regionda müəyyən bir rol oynamağa çalışır, çünki onun bir çox iqtisadi layihələri və investisiyaları var, Çin Qərb və İsrail ilə güclü əlaqələri sayəsində Qəzza müharibəsini dayandıra bilər, lakin Çin siyasi maraqlarını qorumağa üstünlük verir, ona görə rəsmi Pekin Fələstin münaqişəsində yeni vasitəçidir”.
Loğman Yunis
