“İranda zaman-zaman hökümət daxili hesablaşmalarda bənzər hadisələrə şahid olmuşam. Özəlliklə SEPAH və dini lider Xemeyninin çevrəsinin öz rəqiblərini sıradan çıxarmaq üçün bu kimi yollara baş vurduğunu görmüşəm.” 

Bu fikirləri Ednews-a müsahibəsi zamanı güneyli siyasi ekspert Çingiz Göytürk bildirib. Onun sözlərinə  görə, bu faciəvi hadisə İranın xarici siyasətində iz buraxmayacaq:

“Ancaq mən İbrahim Rəisinin və yanındakıların bu hesablaşmanın qurbanı olduğunu düşünmürəm. Çünki, Rəisi, Əmin Abdullahian və hadisə qurbanlarının hamısı tutduqları vəzifə müddətincə sadəcə Xomeyninin və Sepahın iradəsini həyata keçirirdilər. Elə buradan yola çıxaraq kəsinliklə müəyyən etmək mümkündür ki, Rəisi və yanındakıların ölümü Tehran siyasətində hər hansı bir dəyişikliyə səbəb olması mümkün deyildir.
Ona görə ki, İran siyasətini ölkə prezidenti və onun aparatı deyil. Onun silahlı qüvvəsi olan SEPAH  müəyyənləşdirir.”

İran hökümətində əhəmiyyətli vəzifələ şəxslərin ölümü HƏMAS-İsrail müharibəsinə necə təsir edə bilər?

“HƏMAS-İran münasibətləri gəldikdə isə, İranın HƏMAS-la birlikdə İsrailə qarşı açdığı savaşda HƏMAS-ın xəbəri olmadan Qərblə bəzi məsələri müzakirə etdiyinə görə Tehranın HƏMAS-la əlaqələri zəifləmişdi. Bu da təbii olaraq, İsrail-HƏMAS münasibətlərinə yansımış və HƏMAS-ın İsrailə qarşı mövqelərini zəiflətmişdi. Bundan başqa, bu hadisə HƏMAS-ın İran İslam Respublikası ilə münasibətlərində tərəddütlər yaradıb. 

Rəisinin ölümünün HƏMAS-İran münaqişəsinə təsir edəcəyini düşünmürəm çünki, axra planda aparılan dialoq Rəsinin siyasəti deyil rejimin davam etməsi üçün İran İslam Respublikasının zərurəti idi.”

Fərid Axund