Türkiyə İraq ərazisində Bağdad hökümətinin dəstəyi olsa da, olmasa da PKK-ya qarşı hərbi əməliyyatlar keçirəcək. Qeyd edilib ki, hazırlıqlar tam sürətlə gedir və istənilən vaxt əməliyyat başlaya bilər. Məqsəd 30-40 kilometr enində təhlükəsizlik zonası yaratmaq və 378 km uzunluğunda iki ölkənin bütün sərhəd xətti boyunca nəzarəti təmin etməkdir.

“Türkiyə 80-ci illərdən bu günə qədər terrorla mübarizə aparır. Türkiyə artıq PKK terror təşkilatından həmişəlik qurtulmaq və bu məsələni birdəfəlik sonlandırmaq istəyir. Bu məqsədlə İraq və Türkiyə hökümətləri İraqın şimalında yerləşən PKK təşkilatının mövcudluğunu sonlandırmaq istəyir”.

Bu fikirləri Ednews-a açıqlaması zamanı türkiyəli politoloq İsmail Cingöz bildirib ki, Fransa, Yunanıstan və Hindistan Qarabağda Türkiyə ilə Azərbaycanın sülh uğrunda mübarizəsinə mane olmağa çalışırlar:

“Bu məsələ ilə bağlı İranla da müzakirələr aparan Ankara PKK üzvlərinin asanlıqla İrana qaçmasını əngəlləmək istəyir. İran bu təşkilatın üzvlərinə dəstək verməsinə deyə Ankara Tehranla sıx diplomatik görüşmələr aparır. Bu arada Türkiyə Qətərdə hərbi bazaya sahibdir. Bu o deməkdir ki, Türkiyə artıq regional güc olmaqdan dünyəvi terrorla mübarizə aparan bir gücə çevrilib. 
Bundan başqa, Türkiyənin Somali ilə dəniz təhlükəsizliyi anlaşması və Liviya ilə enerji təhlükəsizliyi anlaşmasına nail olması onun regiondan kənarda da müxtəlif strateji hədəflərinin olmasından xəbər verir”.

Politoloq qeyd etdi ki, Ankara höküməti region ticarətini qlobal səviyyəyə çatdırmaq üçün Zəngəzur dəhlizinə ehtiyac duyur:

“İraqla Türkiyə arasında yeni razılaşma əldə edilib. Razılaşmaya əsasən Basradan Türkiyəyə quru, dəniz və hava yolları ilə bağlantılı yeni İpək Yolu yaradılacaq. Bu yol təbii ki, beynəlxalq ticarəti asanlaşdıracaq.

Əlavə olaraq, Azərbaycanın Zəngəzur bölgəsi də bu layihə üçün olduqca vacib hesab olunur. Ankara Zəngəzur bölgəsinin tez bir zamanda separatçılarda azad olunması üçün müxtəlif müstəvilərdə mübarizə aparır”.

Fərid