Bakıda 11-ci Qlobal Bakı Forumu işə başlayıb. Forumun devizi (Fixing the Fractured World) parçalanmış dünyanı düzəltməkdir. Foruma dünyanın müxtəlif yerlərindən 400 iştirakçı dəvət olunub. Onların arasında dövlətlərin indiki və keçmiş rəhbərləri, Nobel mükafatı laureatları da var. Forumun Azərbaycan adına dünyada üstünlükləri nələr olacaq? Bu forumun Azərbaycana və dünyaya hansı təsiri olacaq?
Forumla bağlı Ednews-a açıqlamasında jurnalist Fuad Abbasov bildirdi ki, Azərbaycan növbəti Beynəlxalq tədbirə ev sahibliyi etməsi və bunun sülhlə əlaqəli olması Ermənistan-Azərbaycan arasında sülh müqaviləsi imzalanması üçün növbəti şansı yaradır. Və bura gələn 350 xarici nümayəndənin təmsil etdiyi ölkələrin Ermənistan hər hansı bir təzyiq mexanizmi həyata keçirərək onların Azərbaycan üçün sülh müqaviləsi imzalamasına təşviq etmək ümidi yaranır:
"Çünki Ermənistan tərəfi heç bir şəkildə sülh müqaviləsi imzalamaq və öz ölkəsinin daxili qanunvericiliyini dəyişmək üçün heç bir addım atmır. Əlbəttə ki, bu ilk növbədə konstitutsiyanın dəyişməsidir. İstiqlaliyyət bəyannaməsinin dəyişdirilməsidir. Həm Türkiyə, həm də Azərbaycan bütünlüyünə birbaşa göz dikən bu sənədlər referendum vasitəsilə dəyişilməlidir. Ancaq çox təəssüf ki, hələ də Ermənistanda bu referendumun nəyinki keçirilmə tarixi, heç keçirilmə niyyəti də ortalıqda yoxdur. Və mənə elə gəlir ki, həm qlobal forum həm COP29 həm də digər beynəlxalq məsələlər Azərbaycan və Ermənistan arasında 100 ildən bu yana gözlənilən sülh müqaviləsinin imzalanmasına gətirib çıxara bilər. Amma yenə də qeyd etdiyim kimi, hər şey Ermənistana bağlı şəkildə, gözləmə vəziyyətindədir. Burada İngiltərə baş naziri qlobal foruma göndərdiyi məktuba da diqqət çəkmək lazımdır ki, hətta İngiltərə baş nazirinin də Azərbaycan və Ermənistan arasında sülh müqaviləsi imzalanması üçün çox vacib bir şans olduğunu vurğulaması 11-ci Bakı Qlobal Formunun önəmindən bəhs edir. Və burada Rişi Sunakın Fransa prezidenti Emanuel Makrondan fərqli olaraq konstruktiv mövqe sərgiləməsi, yəni sülhə çağırması da bütün dünyaya göndərilmiş başda Ermənistan olaraq dünyaya göndərilmiş sülh mesajıdır. İnşallah ki, bütün bunlar hamısı bölgədə sülhün bərqərar olmasına köməklik göstərəcək".
Oğuz
