İndoneziyada bazar ertəsi axşamdan bölgələrə yağan güclü yağışdan sonra Cakarta və onun ətraf şəhərlərində güclü daşqınlar baş verib, minlərlə ev su altında qalıb, yüzlərlə sakin zərər çəkib.
“EDnews” xəbər verir ki,İndoneziyanın Antara agentliyi bu barədə məlumat yayıb. Bildirilib ki, daşqınlar nəticəsində avtomobillər su altında qalıb, şəhərlərdə nəqliyyat sıxlığı qeydə alınıb.
Evakuasiya və fövqəladə hallara cavab tədbirlərinə kömək etmək üçün regional fəlakətlərin idarə olunması agentliyinin, yanğınsöndürmə idarəsinin və axtarış-xilasetmə qrupunun birgə komandası zərər çəkmiş ərazilərə göndərilib.
İndoneziyanın Meteorologiya, Klimatologiya və Geofizika Agentliyindən bildirilib ki, daşqınlar Cənub-Şərqi Asiya ölkəsinin bir sıra bölgələrində proqnozlaşdırılmışdı. Qeyd olunub ki, Cakarta və ətraf şəhərlərdə ekstremal hava şəraiti növbəti həftə ərzində də davam edəcək.
Fatimə Mərdanlı//EDnews
