Ermənistanın xarici işlər naziri Ararat Mirzoyan Kipr Respublikasında rəsmi səfərdə olarkən kiprli həmkarı Konstantinos Kombos ilə birgə mətbuat konfransında Azərbaycanla sülh prosesinə toxunarkən çox qəribə açıqlamalar verib: “Biz Kiprin Dağlıq Qarabağdan zorla köçürülmüş ermənilərə göstərdiyi yardımı yüksək qiymətləndiririk”. Artıq bu, belə desək, preambulada İrəvanın dinc nizamlanmada irəliləyişə nail olmaq üçün konseptual hazırlıqsızlığı dərhal diqqəti cəlb edir. Yeri gəlmişkən Mirzoyan təxminən 2 həftə öncə də eyni açıqlamanı BMT-dəki çıxışında da bildirmişdi. Mirzoyan nə üçün sülh prosesini pisləməkdə davam edir?

Məsələ ilə bağlı Ednews-a danışan politoloq Tural İsmayılov  bildirib ki, bu gün ki, Ermənistan nazirləri və Ermənistan höküməti müxtəlif dövlətlərin ağzı ilə danışırlar:

“Yəni Ermənistanda müstəqil siyasi dövlət iradəsi olmadığı üçün hazırda hökümət xaricdən gələn direktivlər fonunda hərəkət edirlər. Ermənistan hakimiyyətinin nəyə görə bu cür situasiyalarda yanlış mövqelər tutduğu və Azərbaycanla sülh prosesinə laqeyd yanaşdığı aydın məsələdir. Fransanın Ermənistana ağır hücum silahlarının satması və digər tərəfdən bu günə qədər Ermənistanın Azərbaycana qarşı işğalçı tezisləri və bu tezislərin Ermənistan konstutsiyası da daxil olmaqla dövlət sənədlərdə yer almağı ölkə rəhbərliyinin sülh əleyhinə çıxışlarına səbəb olur. Digər tərəfdən beynəlxalq birlik tərəfindən Ermənistana qarşı hər hansı sanksiya və ya siyasi təzyiqin olmaması sülh prosesini ləngidir. Mirzoyanın həm Kiprdə, həm də başqa platformalarında sülh əleyhinə verdiyi açıqlamalar böyük bir təəssüf doğurur. Bütövlükdə hesab edirəm Ermənistanın Qarabağdan könüllü  gedən ermənilər üzərindən yeni bir “oyuna” cəhd etdiyi müşahidə olunur. Qarabağdan gedən ermənilər məsələləsindı heç də açıq fəaliyyət göstərməyən Mirzoyanın BMT tribunasında və Kipr səfərində bu konetkstə siyasi münipulyasilar etməsi açıq bir şəkildə sülhdən yayındığını göstərir”. 

Xəyal Ramiz