İsrailin müdafiə naziri Yoav Qalant İsrail ordusunun Livana hər an hücuma keçməyə hazır olduğunu bildirib. Onun sözlərinə görə, hər şey Livan Hizbullah hərəkatının hərəkətlərindən və gələcək danışıqlardan asılıdır. Digər Tərəfdən Ukrayna-Rusiya müharibəsi getdikcə daha da gərginləşir. Hər iki müharibənin gələcəyi ilə bağlı vəziyyət nə dərəcədə gərgindir? İki müharibə arasında hər hansı bağ varmı?

Məsələ ilə politoloq Turab Rzayev Ednews-a açıqlamasında  qeyd edib ki, İsrail hücumlarının əsas səbəbi ölkəsinin təhlükəsizliyini təmin etməkdir:

“Biz son zamanlar İsrail-Livan, İsrail-Hizbullah münasibətlərinin gərginləşdiyini görürük. Bu da məlumdur ki, İsrail təhdidlərinin arxasında təhlükəszlik məsələsi dayanır. Çünki İsrail iki cəbhədən mübarizə aparmaqdan çəkinir. Düşünür ki, HƏMAS ilə müharibə zamanı ikinci bir cəbhənin açılması, İsrailə qarşı beynəlxalq təzyiqi gücləndirə bilər. Ona görədə İsrail bu cür təzyiq formalaşdırıb. Mən açığı İsrilin nə qədər hazırlıqlı olduğunu bilmirəm, yəqin ki sonuncu İsrail-Hizbullah müharibəsindən dərs çıxarıblar. Çünki Hizbullah hibrid taktikalar istifadə edərək İsrail ordusuna böyük bir surpriz yaşatmışdı. Ola bilsin buna görə də İsrail Hizbullaha qarşı yeni hazırlıqlar edir. İstənilən halda həm İsrail bu qədər münaqişənin içində olduğuna görə Hizbullahla bir-başa savaşdan çəkinir. Həmçinin Hizbullahda bunu etməyə qorxur. Çünki İsrailin həm HƏMAS-a və Rəfaha hücumları vaxtında tam hücum etməyibsə indi də etməyəcək”. 

Politoloq həmçinin bildirib ki, Ukrayna-Rusiya müharibəsi həddindən çox gərginləşməyə başlayır:

“Rusiya fürsətdən istifadə edərək Ukraynaya olan yardımların zəifləməsindən sonra, Ukraynanın digər ərazilərini işğal etməyə çalışır. Burada Çin kimi ölkələrin sülh konsepsiyasında Ukraynanın bir sıra torpaqlarının Rusiyaya keçməsini tələb kimi qoyublar. Aydındır kİ, Ukrayna və Qərb bunu qəbul edə bilməz. Digər tərəfdən xüsusilə Bayden administrasiyanın Ukraynaya artan diqqəti siyasi arenada diqqətləri cəlb edib. Yaxın zamanda ABŞ 60 milyardlıq yardım paketi Ukraynaya göndərdi. Eyni zamanda bir o qədərdə Avropa ölkələri yardım paketləri göndərib. Ən zon NATO zirvəsində Qərb birbaşa olaraq Rusiyanı təhdid elədilər. Məsələn ABŞ dövlət katibi Blinken Danimarkanın F-16 təyyarələrinin Ukraynaya gələcəyini bildirdi. Əlbəttə Ukraynaya yeni hava sistemlərinin göndərməyi Ukrayna-Rusiya arasında balansı dəyişəcək və Rusiyanı bu münaqişədə daha  çətin vəziyyətə salacaq. Bu özəlliklə yenidən Yaxın Şərq müharibəsini qızışdıra bilər. Beləki Yaxın Şərqdə HƏMAS ilə mübarizədə biz İran və Rusiya dəstəyi görürük. Bu proses dünyanın gözünü Ukrayna-Rusiya müharibəsindən çəkərək Yaxın Şərqə yönlənməsini planlayır. Düşünürəm ki, əgər Ukrayna-Rusiya cəbhəsində vəziyyət gərginləşərsə biz yenədə İsrail ətrafında həm Livanla həm də Fələstinlə münasibətlərin daha da gərginləşməsini müşahidə edəcəyik”.

Xəyal Ramiz