“Səfirin geri çağırılması ilə, məsləhətlər üçün çağırılması fərqli bir şeydir. Rusiya səfirini tamamilə geri çağırmayıb. Bu diplomatik dildə iki ölkə arasında olan gərginliyə işarədir. Bu o deməkdir ki, Rusiya Ermənistanın siyasətindən narazıdır”.
Bu sözləri siyasi jurnalist Fuad Abbasov Ednews-a açıqlaması zamanı qeyd edib.

Siyasi jurnalist bildirir ki, Rusiya səfiri geri çağırılmayıb. Bunun baş verməsi diplomatik əlaqələrin sonlandırılması və müharibədən əvvəlki bir mərhələ mənasına gəlir.

Jurnalist bunun əsas etibarı ilə Paşinyanın açıqlamasından sonra meydana gəldiyini vurğulayır:

“Paşinyan Kollektiv Təhlükəsizlik Anlaşmasına üzv ölkələrdən ikisi Azərbaycana Ernənistanla müharibədə köməklik göstərdiyini demişdi. Birincisi, Azərbaycan Ermənistanla  müharibə aparmayıb, öz torpaqlarındakı seperatizmlə müharibə aparıb. İkincisi isə Rusiya bunu özünə təhqir hesab etdi deyə bilərik.  Azərbaycana pul qarşılığında  silah satmaq Azərbaycana kömək deyil. Bununla əlaqədar Rusiya ilə Ermənistan arasında diplomatik əlaqələr ən gərgin vəziyyətə gələrək səfir geri çağırıldı”. 

Siyasi jurnalist hesab edir ki, Rusiya ilə Ermənistan arasında hər hansı hərbi münaqişə və yaxud ordakı Rus Hərbi Birliklərinin Ermənistan hökumətinə qarşı istifadə olunması gözlənilən deyil. 

“Bu yaxınlarda rus hərbi eskperti ilə apardığımız müzakirədə belə bir ifadə işlədildi- Rusiyanın Ermənistanda apardığı fəaliyyətlər publik, hər kəsə açıq, hər kəsin biləcəyi fəaliyyətlər deyil. Biz bu fəaliyyətlərin nə olacağını ancaq təxmin edə bilərik. Hesab edirəm ki, gömrükdəki rus hərbi birliyi Ermənistan həddini aşacağı təqdirdə Ermənistanın Rusiyanın argitasına geri gətirilməsi üçün istifadə olunacaq”, - jurnalist bildirib.

Xəyal