Financial Times-da dərc olunan xəbərə görə İsveç, Hollandiya, Çexiya və Estoniya digər Aİ-yə üzv dövlətləri Gürcüstanın xarici agentlər haqqında qanun layihəsini qəbul etməsindən sonra ona qarşı sanksiyalar tətbiq etməyi düşünməyə çağırır. Təklif olunan tədbirlərə Gürcüstan vətəndaşları üçün 2017-ci ildən qüvvədə olan vizasız rejimin dayandırılmasını, həmçinin məqsədyönlü sanksiyalar və Avropa fondlarından vəsaitlərin dondurulması daxildir. Gürcüstan da baş verən üsyanların Aİ-nin Gürcüstana olan siyasi kursunu dəyişəcəkmi?

Məsələ ilə bağlı politoloq Turab Rzayev Ednews-a açıqlaması zamanı qeyd edib ki, bu əslində tək təhdid xarakteri daşımır: 

“Çalışırlar ki, bu üsulla Gürcüstanı bu yoldan geri çəkindisinlər. ABŞ, Avropa ittifaqı birbaşa sanksiyalara əl ataraq Gürcüstanı bu yoldan geri çəkindirsinlər. Qərb dövlətləri, Avropa ittifaqı və ABŞ bir başa sanksiyalara əl atıb sıxışdırmağa çalışmırlar bunun əvəzinə mərhələli şəkildə hissə-hissə bunu etməyə çalışırlar. Ona görə də hələlik bəzi ölkələrdə bunu Gürcüstana etməyə başlanılıb və qərar qəbul olunubsa ilk öncə İsveç, Hollandiya, Çex Slovakiyadan başlanacaq. Çexiya və Estoniya Şərqi Avropada Gürcülərin Polşadan sonra ən çox getdiyi ölkələrdəndir. Eyni zamanda İsveç, Hollandiya Avropa ittifaqının əhəmiyyətli ölkələrindəndir. Bununla da faktiki olaraq Gürcülərə mesaj verilir. Gürcü höküməti Qərbdən uzaqlaşıb Rusiya və Çinə yaxınlaşmağı davam etdirirərsə yəqin ki, bu sanksiyaların təsir effekti artacaq”. 

Politoloq vurğulayır ki, əgər gələcəkdə bu məsələ ilə bağlı Gürcüstana sanksiya edilərsə, xaricdən asılı olan Gürcüstan üçün heç yaxşı olmayacaq:

“Mən düşünürəm ki Gürcüstan hökümətinə qarşı bu sanksiyaların elan edilməsi əslində Gürcüstanı geriyə doğru addım atmağa məcbur etmək demək deyil. Ondan daha çox Gürcü əhalisinin mesajıdı. Yəni gürcü əhalisinə mesaj verilir ki, qərb bunu dəstəkləmir, və belə olarsa gürcüstan hakimiyyətinə sanskiya tətbiq ediləcək. Faktiki olaraq etitrazçılara hakimiyyəti devirin,əks halda bu hökümət  sizi Rusiya və Çinə aparacaq, Qərbdən uzaqlaşdıracaq və Qərblə Gürcüstan münasibətləri dəyişəcək mesajı verir. Digər tərəfdən Gürcüstana maliyyə yardımının dayandırılması Gürcüstanın iqtisadiyyatı üçün də Gürcüstan əhalisinin davranışı üçün də çox əhəmiyyətli faktordu. Bir tərəfdən Gürcüstan xaricdən yardımdan çox asılı olan ölkədi. Həm xarici yardımdan həmdə xaricdə işləyib ölkəyə pul göndərən gürcülərdən. İndi həm fondlardan vəsaitlərin dayandırılması həm sanksiyalar Gürcüstanda böyük maliyyə böhranının baş verə bilər. Gürcüstanın maliyyə gəlirləri çox azdı. Ona görə də bu yardımlardan kifayət qədər asılıdı. Digər tərəfdəndə Çin vizası rejiminin ləgv  edilməsi Gürcüstan əhalisini hökümətə qarşı  daha da aqressiv olmağa məcbur edir ki Gürcüstan əhalisi  xüsusilə indiki dövrdə Avropada miqrant kimi çalışır. Həm ailələrini həm özlərini dolanışığın təmin edirlər”.

Xəyal Ramiz