1976-cı ildə Marsın səthini araşdırarkən çəkilən fotoşəkillər insan və ya meymun üzünə bənzəyən nəhəng quruluşu göstərir. Bəs o vaxtdan bəri "Marsdakı üz" kimi tanınan bu struktur tam olaraq nədir?
"EDnyus" xəbər verir ki, 1976-cı ildə Amerikanın "Viking 1 Orbiter" kosmik gəmisi Marsın səthində çox qəribə bir şey görüb. NASA-nın 31 iyul 1976-cı il tarixli press-relizində deyilir ki, Qırmızı Planetin səthindəki çoxlu qabar və çıxıntılar arasında "insan başına bənzəyən" bir formastika da var.
Bu Marsda kameralara düşən yeganə Mars siması deyil, lakin ən məşhur olmağı bacarıb. Bəs bu formalaşma tam olaraq nədir?
İnsan üzünə bənzəyən bu formasiya Qırmızı Planetin Sidoniya kimi tanınan bölgəsində çəkilib. Alimlərin fikrincə, Marsdakı məşhur sima əslində işığın yaratdığı kölgə oyunudur. Günəşin işıqlandırma bucağı təbəqənin səthindəki çıxıntılardan kölgələr yaratmaq üçün tam uyğundur və foto da məhz o zaman çəkilib.
Çoxları bu üzü Marsda bir vaxtlar həyatın mövcud olduğunun və planetdə nəhəng sənət əsərlərinin tikildiyinin sübutu kimi görür. Hətta Sidoniya bölgəsində piramida quruluşları tapılıb və bunların təbii quruluş ola bilməyəcəyinə dair fikirlər ortaya atılıb.
Ancaq 2007-ci ildə Marsa daha yüksək ayırdetmə qabiliyyətinə malik kameralara malik kosmik gəmi göndərilib və bu quruluşun təbii formasiya olduğunu və insan üzünə çox da bənzəmədiyini göstərən fotoşəkillər çəkilib.
Ancaq sui-qəsd nəzəriyyəçiləri hələ də bölgədəki bu üzün və piramida formalarının təbii ola biləcəyinə inanmır və bəlkə də milyonlarla il əvvəl bu bölgədə inkişaf etmiş bir sivilizasiyanın yaşadığını düşünürlər. Onlar NASA-nın iddialarının əksini və göstərdiyi fotoşəkilləri bəşəriyyəti aldatmaq üçün hazırlanmış sənədlər kimi qiymətləndirirlər.
Bunun səbəblərindən biri odur ki, NASA illərdir Marsa robot göndərmək üçün milyardlarla dollar xərcləyib, lakin nədənsə, Marsda həyat izlərinin tapılmasında ən yüksək şübhəyə malik olan Sidoniya bölgəsinə yaxından baxmaq üçün inadla bir robot göndərməməsidir. İddialara görə, orda gördüklərini dünyadan gizlətmək üçün ABŞ və NASA rəsmi olaraq bu çox maraqlı bölgəsyə robot göndərmir.
