Yay fəsli günəşdən zövq almaq, səyahət etmək, yeni yerlər kəşf etmək üçün ən uyğun mövsümdür. Bəs biz bu mövsümü necə daha səmərəli keçirə bilər, hansı ölkələrə səyahət edə bilərik?

Ednews sözügedən ölkələrin siyahısını təqdim edir. 

İspaniya günəşli və qızmar iqliminə görə, çimərliklərdən zövq almaq üçün Malyorka, Kanar adaları ilə mükəmməl bir seçimdir. Bununla yanaşı ispanların ruh yüksəkliyi, ölkədə demək olar ki, hər gün müşahidə edilən şənlik ab-havası Barselona, Madrid, Valensiya kimi şəhərləri ziyarət etmək üçün digər səbəblərdir.

Roma, Venesiya, Florensiya kimi turistləri heyrətə gətirən şəhərləri ilə İtaliya yay mövsümünü dəyərləndirmək üçün ən yaxşı seçimlərdəndir. 

Cənubi Avropa dedikdə heyrətamiz çimərlikləri, unikal relyefi və əyləncəli gecə həyatı ilə Portuqaliya yay mövsümünün əvəzedilməzlərindəndir. 
Fransanın cənubu heyrətamiz sahil xətləri ilə, enerjinizi doldurmaq və füsunkar yerləri kəşf etmək üçün siyahıdan kənar saxlamamalı olduğumuz bir ölkədir. Əlbəttə ki, Fransa dedikdə aşiqlərin şəhəri və dəbin mərkəzi olan PARİS sadacə adıyla belə bizi cəlb etməyi bacarır.

Cazibədar mənzərələri və Aralıq dənizinin firuzəyi sulu çimərlikləri ilə Maltada ailənizlə birlikdə yay mövsümünü unudulmaz edə bilərsiz. 
Yunanıstan yəqin ki, çoxlarımızın xəyalındakı ölkələrindən biridir. Hər küncündə görünən tarixi irsi və Afinadakı əzəmətli Akropolu ilə Yunanıstan unikal və mədəni bir təcrübə vəd edir.

Əbədi məhəbbətin simvolu olan Tac Mahalı görmək haqqında kim həyatında bir dəfə də olsun düşünməyib ki? Mədəni müxtəlifliyi ilə sizi sanki başqa bir dünyaya aparacaq olan Hindistan hər kəsin həyatında ən az 1 dəfə getməli olduğu bir ölkədir. 

Balkanlarda yeni kəşf edilmiş xəzinə, Xorvatiya da heyrətamiz çimərliklərdən zövq almaq üçün əla bir yay mövsumu keçirməyi təklif edir. 
Estoniya, Litva və Latviya kimi Baltikyanı ölkələr də, mövsümi dəyişən landşaftları təcrübə etmək üçün mükəmməldir. 
Yay mövsümünü daha yaxşı və yaddaqalan etmək üçün səyahət imkanlarını dəyərləndirmək çox önəmlidir!

A.Mikayıl