Meteorologiya Mühəndisləri Palatasının sədr müavini Ahmet Köse, iqlim dəyişikliyinin təyyarələrin turbulentliyə girmə riskini iki qat artırdığını ifadə edərək, "Güclü turbulentlikdə təyyarələr bir anda 300 metr yüksəklik itirə bilər" dedi. dedi.

Ednews sozcu.com-a istinadən xəbər verir ki, meteorologiya Mühəndisləri Palatasının sədr müavini Ahmet Köse, həm sərnişinlərin, həm də kabin heyətinin yaralanmasına səbəb olan son turbulent hadisələrlə bağlı jurnalistlərə açıqlama verib. 

Turbulentliyin küləyin xaotik əsməsi demək olduğunu bildirən Kösə, alçaq təzyiqli ərazilərin kəsişmələrində və reaktiv axınların döndüyü yerlərdə turbulentliyin daha çox baş verdiyini söylədi. 

Yer səviyyəsində küləyin istiqamətləri və sürətləri ilə atmosferin müxtəlif təbəqələrində küləyin fərqli olduğunu bildirən Köse, turbulentliyə girən təyyarələrdə yer şərtləri də daxil olmaqla bir çox faktorun təsirli olduğunu açıqladı. 

Bəzən turbulentlikdən qaçmağın mümkün olmadığını ifadə edən Köse, "Turbulentlikdən qaçarkən başqa bir buludda da ilişib qala bilər. Pilot hava proqnozu hesabatına və aldığı təcrübəyə əsasən daha az şok edici olan turbulentliyə üstünlük verə bilər"- deyə bildirib. 
Təyyarənin uçuşunda təsirli olan "reaktiv axın" küləklərinə də toxunan Köse sözlərini belə davam etdirdi: 

"Pilotlar bəzən bu küləkləri arxalarına alaraq sürətlərini artırırlar. İngiltərə və Amerika universitetlərində aparılan araşdırmalar nəticəsində məlum olub ki, qlobal istiləşmə və iqlim dəyişikliyinin təsiri nəticəsində turbulentlik son 40 ildə iki dəfə artıb. Elmi araşdırmalar turbulentliyin iki dəfə artdığını göstərib.  

Xəyal