İnsan bədəni gecə boyu böyümə və həyati funksiyalar üçün enerji sərf edir. Səhər yediyimiz ilk yemək bizə bütün bu enerjini doldurmağa və günə daha enerjili başlamağa imkan verir.

Ednews Oda tv-yə istinadən bildirir ki, günə səhər yeməyi ilə başlayanlar daha enerjili, diqqətli olur və beyin fəaliyyətini artırır. Xüsusilə, uşaqlıq və yeniyetməlik dövründə səhər yeməyi yemək məktəb müvəffəqiyyəti, koqnitiv performans, diqqət və əhval-ruhiyyəni idarə etmək üçün vacibdir.

Səhər yeməyi, eyni zamanda, uzun müddətdə daha yaxşı çəki nəzarəti üçün vacibdir. Səhərlər yemək yeməyən insanlar daha çox kalori qəbul edir və daha asan kökəlməyə meyllidirlər. Səhərlər istehlak etdiyimiz bu qidalar digər məhsulları daha az yeməyə imkan verir. 

Səhər yeməyini ötürən insanlar gün ərzində mənfi enerji balansını kompensasiya etməyə və insulin səviyyəsinə zərər verəcək şəkildə yemək yeməyə meyllidirlər. Buna görə də araşdırmalar göstərir ki, səhər yeməyi yeməyən insanlarda diabet, yüksək xolesterin və ürək sağlamlığı riski daha yüksəkdir.

Xalidə