Aprelin 22-dən etibarən dünyada yoluxmaların sayı artıb. Bəs bu yay koronavirus geri qayıda bilər?
İnfeksionist Mərdan Əliyev Ednews-a açıqlamasında bildirdi ki, koronavirusda müəyyən artımlar müşahidə edilir.
“Amma bu artım müvəqqətidir. Çünki yay fəslində koronavirusda artım müşahidə olunmamalıdır. Amma payıza doğru artım müşahidə oluna bilər. Bu əvvəl ki, kimi ola bilməz”.
İnfeksionist onu da qeyd etdi ki, koronavirusun bəzi təsirləri ola bilər.
“Artıq insanlarda kollektiv immunitet formalaşıb. Orqanizm bu virusu artıq tanıyır. Koronavirusa yoluxandan sonra xəstəliyi daha ağır keçirməmək üçün vaxtında tədbirlər görmək daha məsləhətlidir. Daha sonra şəxsi gigiyena qaydalarına əməl etmək, təmas olunan yerlərin tez-tez dezinfeksiyası olunması məsləhət görülür. İmmun sistemini yüksəltmək üçün sağlam qidalanmaq, təmiz havada gəzmək, idmanla məşğul olmaq lazımdır”.
Qeyd edək ki, Azərbaycanda ilk koronavirusa yoluxma halı 2020-ci il 28 fevralda qeydə alınıb.
Aynurə İsmayıl
