2025-ci ildə Azərbaycanda ÜDM artımı 3 %, 2026-cı ildə isə 2,4 % təşkil edəcək.
“EDnyus” xəbər verir ki, bu barədə “Fitch Ratings” beynəlxalq reytinq agentliyinin Azərbaycanın kredit reytinqinin təsdiqlənməsinə dair hesabatında deyilir.
Beləliklə, 2025-2026-cı illərdə Azərbaycanda ÜDM-in orta illik artımı 2,7 % təşkil edəcək.
Agentlik qeyd edir ki, 2024-cü ildə Azərbaycanda ÜDM artımı ölkədə neft hasilatının daha yavaş azalması və Qarabağın bərpasının iqtisadi səmərəliliyi fonunda 4,1 %-ə qədər sürətlənib (2023-cü ildə 1,1 %).
"Biz artımın 2025-ci ildə 3 %-ə, 2026-cı ildə isə 2,4 %-ə qədər yavaşlayacağını gözləyirik, lakin artım yenə də dövlət investisiyaları ilə dəstəklənəcək", - agentlik bildirir.
“Fitch” Azərbaycanda neft hasilatının azalma tempinin yavaşlaması tendensiyasının davam edəcəyini və qaz hasilatının artımı ilə müşayiət olunacağını gözləyir.
Azərbaycan İqtisadiyyat Nazirliyi 2025-ci ildə ÜDM-in 3,5 %, 2026-cı ildə isə 2,8 % artacağını proqnozlaşdırır.
.jpg)
