Azərbaycanda son illərdə kreditləşmə imkanlarına maraq sürətlə artmaqdadır. Son statistik məlumatlara görə, artıq əhalinin təxminən 45-47%-i kreditlərdən yararlanır. Lakin kredit almaq yalnız məbləği əldə etməkdən ibarət deyil – bu, düzgün yanaşma və planlaşdırma tələb edən ciddi maliyyə addımıdır. Əgər bu sahədə düzgün addımlar atmaq və kredit müraciətinizdə banklara etibarınızı sübut etmək istəyirsinizsə, bu məqalə sizə yol göstərəcək. 2024-cü ilin aktual məlumatlarına əsaslanaraq hazırladığımız bu məsləhətlər, sizə kredit müraciətində uğur qazandıracaq!
1. Məqsədinizi dəqiq müəyyən edin
Kreditə niyə ehtiyacınız var? Alacağınız məbləği necə istifadə edəcəksiniz? Bu sualların cavabını əvvəlcədən bilsəniz, banklara da özünüzə güvəndiyinizi göstərmiş olarsınız. 

2. Gəlirinizi dəqiq göstərin
Əlinizdəki bütün sənədlərlə gəlirinizi aydın şəkildə təqdim edin. Banklar sizin ödəmə qabiliyyətinizə çox diqqət edir, və bu, kredit alma şansınızı artırır. Bankların inamını qazanmaq istəyirsinizsə, gəlirlərinizi gizlətməyin!

3. Kredit tarixçənizi yoxlayın
Kredit tarixinizi əvvəlcədən nəzərdən keçirin, çünki banklar bu məlumatlara böyük önəm verir. Əgər əvvəlki kreditlərinizi vaxtında ödəmisinizsə, bu, sizin üçün böyük üstünlükdür. Uğurlu tarixçə ilə özünüzü daha etibarlı göstərə bilərsiniz.

4. Real məbləğ seçin
Yüksək məbləğlər həmişə cazibədar görünə bilər, amma ehtiyacınıza uyğun məbləği seçmək daha doğrudur. Nəzərə alın ki, banklar gəlirinizə uyğun məbləğləri daha tez təsdiqləyir.

5. Faiz dərəcələrini müqayisə edin
Kreditin dəyəri faizlərlə ölçülür! Fərqli bankları araşdırın və ən aşağı faiz təklifini seçin ki, ödəniş yükünüz az olsun. 

6. Zamin və ya girov təklifi ilə müraciət edin
Əgər əlavə təminatınızın olmağı sizin bankların gözündəki etibarlılığınızı artırır. Girov olaraq mülkiyyətinizi təklif etməklə daha münasib şərtlərlə kredit ala bilərsiniz. Bankların öhdəliklərinin böyük bir hissəsi depozitlərdən ibarət olduğu üçün zamin və ya girov təklifləri bank üçün təhlükəsiz variantdır.

7. Ödənişləri qabaqcadan analiz edin
Kredit ödənişləri aylıq büdcənizə necə təsir edəcək? Öncədən bir plan qurun ki, əlavə xərclər sizi çətin vəziyyətə salmasın.

8. Şərtləri diqqətlə oxuyun
Kredit müqaviləsinin hər detalını başa düşməyiniz vacibdir. Cərimələr, gecikmələr və faizlər barədə hər şeyi əvvəlcədən öyrənin ki, gözlənilməz ödənişlər sizi təəccübləndirməsin.

9. Daimi müştəri üstünlüyündən istifadə edin
Uzunmüddətli müştərisinizsə və bankda hesabınız varsa, bu sizin xeyrinizə işləyə bilər. Azərbaycanda bəzi banklar daimi müştərilərinə xüsusi endirimlər təqdim edir. Bu üstünlükləri nəzərdən qaçırmayın!

10. Kredit sığortasından istifadə edin
Kredit sığortası  təhlükəsiz seçimdir. Kreditiniz siğortalanıbsa, işdən çıxma və ya sağlamlıq problemləri zamanı siğorta edən ödənişləri təmin edə bilər. Üstəlik Azərbaycanda bəzi banklar kredit sığortası olan müştərilər üçün daha aşağı faiz dərəcələri təklif edir.

Şahlar Ruhi EDNEWS