Azərbaycanda rəqabət mühitini tənzimləyən yeni sənəd - Rəqabət Məcəlləsi qüvvəyə minib. Ekspertlər hesab edirlər ki, Məcəllənin qəbulu istehlak bazarında rəqabəti gücləndirəcək, bir sıra ərzaq və digər idxal məhsullarının qiyməti ucuzlaşacaq.

Bəs görəsən, yeni qüvvəyə minən Rəqabət Məcəlləsi qiymətləri ucuzlaşdıracaq?

Mövzu ilə bağlı Ednews-a açıqlama verən iqtisadçı-ekspert Ruslan Atakişiyev bildirib ki, bu məcəllədən sonra bazarda qiymət artımı müşahidə edilə bilər:

“Rəqabət Məcəlləsinin qəbul edilməsi bazarda rəqabət mühitinin yaranmasına xidmət edir. Məcəlləyə baxdığımız zaman görürük ki, bazarda monopoliya və s. kimi fəaliyyətlərin qarşısının alınması kimi müddəalar var. Ümumiyyətlə, rəqabət məcəlləsinin qəbulu ilə yanaşı onun işləvi də olduqda vacibdir. Çünki, məhz işləklik təmin olunduğu halda bazarda dəyişiklərlə qarşılaşa bilərik. Amma, bazarda qiymətlərin ucuzlaşması dedikdə rəqabət mühitində istər-istəməz dəyişikliklər baş verir. Bizim bunu yaxın aylarda müşahidə edib edə bilməyəcəyimiz aydın deyil". 

Ekspert səbəbini bu cür qeyd etdi:

"Çünki, rəqabət məxcəlləsi özü şəffaflığı formalaşdırır. Buna baxmayaraq, şəffaflıq qiymətlərin də bahalaşmasına gətirib çıxarır. Hazırda bazarda bəzi məhsullar şəffaflığı olmamasına görə mövcuddur. Onlar gömrükdən yayınır və ya daxili istehsalda müxtəlif qeydiyyatsız məhsullar bazara çıxır.

Rəqabət məcəlləsinin qeydə alınması həmin o qeyri-şəffaflığı aradan qaldırılmasına gətirib çıxarır ki, bu zaman da ilk istər-istəməz rəsmiləşmə zamanı qiymətlərdə bahalaşma da qeydə alına bilər. Ona görə də düşünmək lazımd deyil ki, biz axında ucuz qiymətlərlə qarşşılaşacayıq.”

Fərid Axund