"Biz Mingəçevirdə ölkənin ən səmərəli elektrik stansiyasını quraşdırırıq, həmin  stansiya 2025-ci ildə istismara veriləcək. Mövcud elektrik stansiyası ilə müqayisədə biz elektrik stansiyasının səmərəliliyini 38%-dən 56%-ə yüksəldəcəyik. Bu təşəbbüslə də biz ölkə qazına ildə 800 milyon kubmetrə qədər qənaət edəcəyik".

Bu sözləri Ednews-a müsahibəsində "Ansaldo Energia" şirkətinin sədri Fabrizio Fabbri 29-cu Bakı Enerji Forumunda söyləyib.

Müsahibədə o, şirkətin Azərbaycandakı layihələri və COP29 tədbirinin perspektivlərinə də toxunub:

"Keçən iyul ayında ölkənizə səfərimdə  "Ansaldo", "Azerenerji ASC", ADA universiteti və Torino Politexniki arasında əməkdaşlıq müqaviləsi imzaladım. Hansı ki, bu Azərbaycanda texnoloji hovuz yaradacaq, əməkdaşlığımızı gücləndirəcək.

COP29 çərçivəsində isə ortaq bir ideya var ki, biz emissiyanı azaltmalıyıq. Buna bağlı olaraq ümumi konsensus da var ki, biz bunu yalnız texnoloji avadanlıqlar satan və quraşdıran ölkələr üçün iqtisadi cəhətdən davamlı olarsa edə bilərik. Başqa bir konsepsiya isə hər zaman nəzərə almalı olduğumuz şəbəkənin sabitliyidir.

Hesab edirəm ki, COP29 yalnız ifadələrlə deyil, praktiki bir tədbir olmalıdır. Bu COP28-də müzakirə olunan məsələləri davam etdirmək üçün əla fürsət olacaq. Biz emissiyaları azaltmalıyıq, enerjini planetdəki bütün insanlar üçün əlçatan etməliyik və eyni zamanda, enerjini təhlükəsiz etməliyik, çünki bu, strateji mənbədir və hər kəsin bu enerjiyə malik olduğundan əmin olmalıyıq". 

Əkbər Novruz