COP29-a ev sahibliyi edəcək Bakıda bir sıra infrastruktur layihələr həyata keçirilib.

Bu günə qədər bir çox beynəlxalq tədbirlərə ev sahibliyi edən Bakı şəhərində yaşayış yerləri, yolların salınması və rahat kommunikasiya üzrə ciddi işlər aparılıb. 

Bəs, COP29 üçün nəzərdə tutulan layihələr hansılardır?

Məsələ ilə bağlı Ednews-a danışan Macarıstan Xarici Əlaqələr və Ticarət İnstitutunun professoru, Laszlo Vasa bildirib ki, bu layihə Azərbaycan üçün yeni imkanlar yaradacaq:

“COP29 Azərbaycan üçün həm qlobal professionallıq, həm də akademik sahələrdə dünyanın diqqətini özünə çəkmək üçün möhtəşəm fürsətdir. Bununla yanaşı, layihə həm də Azərbaycanın şəhərsalma, sosial və iqtisadi xüsusiyyətlərini qlobal təşkilatlara nümayiş etdirmək şansı yaradır. 

Son 30 ildə Bakı heyrətamiz yeniliklərə nail olub. Bütün bunlar sistematik şəkildə düşünülmüş və həyata keçirilmiş, iqtisadiyyatın düzgün bölüşdürülməsi ilə meydana gələn proseslərdən ibarət olub”. 

Ekspert həmçinin qeyd edib ki, COP29 zamanı Qarabağın Yaşıl Enerji potensialı xarici dövlətlərə daha çox tanıdılmalıdır.

“Böyük səviyyəli inkişaflar heç vaxt qısa zaman ərzində nərəzə çarpmır. Sadəcə olaraq, hazırda üzərində işlər aparılan məsələlər daha da sürətləndirilə bilər. Şəhərdə nəqliyyatın axıcılığı və çevikliyinin bərpa edilməsi yönündə fəaliyyət aparıla bilər. Məsələn, Bakıda yeni çoxlu sayda avtobuslar fəaliyyətə başlamalıdır. Əlavə olaraq, marşrutlar arasındakı vaxt müddəti azaldılmalı və dəqiq marşrut cədvəli yaradılmalıdır. Xarici ölkəyə səfər edənlər çox vaxt yollarda boşa itirilmiş vaxta görə şikayətlənirlər.

Böyük şəhərlərdən Bakıya birbaşa uçuşun olması həyati əhəmiyyət daşıyır. Transferlə uçuşlar bir çoxları üçün cəlbedici gəlmir.  Gələn qonaqlar üçün otellərin lazımi standartlarda fəaliyyət göstərməlidir. Bu hər bir ölkəyə gələn turistlərin ən çox fikir verdiyi faktordur. 

Təbii ki, insanların ölkəyə gəlişi turizmin inkişaf etməsinə təsir edəcək. Ölkəyə gələnlərin diqqətini fərqli attraksionlarla çəkmək və yeni sənaye sahələri bu yolla yadellilərə tanıtmaq dəyərli bir fürsətdir. Misal üçün, xaricilərə Azərbaycanda aparılan Yaşıl Sənaye sahələrinin tanıdılması və eləcə də Qarabağda alternativ enerji, ağıllı şəhər layihələrinin nümayiş edilməsi önəmlidir”.

Fərid