“Vergi Məcəlləsində dəyişiklik edilməsi haqqında” Qanun layihəsinə edilən əlavəyə görə kiçik turizm ilə mə.ğul olanlar da vergiyə cəlb olunacaqlar.  Bu qanun kiçik sahibkarları motivasiyadan salaraq yerli turizmə mənfi təsir göstərə bilər?

Mövzu ilə bağlı Ednews-a danışan turizm eksperti Ceyhun Aşurov bildirib ki, qəbul edilən qanun layihəsi ölkədə turizmin inkişafına təkan verəcək.

“Vergi qanunvericiliyinin təkmilləşdirilməsi məqsədilə hazırlanan qanun layihəsinin məqsədi ötən illərdə olduğu kimi, sahibkarların vergi yükünün optimallaşdırılmasıdır. Hər ölkədə olduğu kimi Azərbaycanda da “Kölgə iqtisadiyyatı” mövcuddur. Buna görə də, kiçik sahibkarlar biz çox zaman daha böyük iqtisadi fəaliyyət göstərən müəssisələrdən asılı qalır. 

Turizmin intensiv inkişafını təmin etmək üçün İqtisadiyyat Nazirliyi tərəfindən qəbul edilən bu yeni qanun biznesin vergi yükünün azaldılması yönündədir. Beləliklə, hotel, mehmanxana və restoran kimi turizm obyektlərindən mövsümi vergi tutulurdusa, artıq ümumi illik vergi sistemi yaradılacaq. Bildiyimiz kimi, turizm gəlirləri vahid mövsümlər zamanı üstünlük təşkil edir. Digər vaxtlarda isə gəlirlər çox aşağı olur. Buna görə də kiçik turizm sahibkarlarından sadəcə fəaliyyət göstərdiyi zaman ərəfəsində vergi verirdi. Qanunun əsas məqsədi böyük turizm obyektləri üzərindəki vergi yükünü azaltmaqdı. Beləcə, vergi eyni vaxtlarda, amma fərqli həcmlərdə alınacaq.

Düşünürəm ki, bu kiçik sahibkarlar üçün heç də sevindirici xəbər deyil. Bu il ölkənin COP29-a ev sahibliyi edəcəyini nəzərə alsaq, az gəlirli sahibkarlar bu qərara görə əlbəttə ki, motivasiya itirə bilər. Qanunun əsas məqsədlərindən biri də kiçik müəssisələrin bütün mövsümlər ərzində fəaliyyətini təmin etməkdir. Hər baxımdan bu yerli sahibkarların biznesi üçün müsbət xəbər deyil. Məsələ burasındadır ki, kiçik gəlirli xidmət obyektləri aktiv fəaliyyətdə olduqları mövsümlərdən kənar vegi verə bilmədikləri halda ümumiyyətlə fəaliyyətini dayandıra blər”.

Fərid Axund