“Mənzil qiymətlərində süni bahalaşma üstünlük təşkil edir. Bunun qarşısını almaq üçün isə köhnə tikililəri aradan qaldırmaq lazımdır”.

Bu fikirləri Ednews-a açıqlamasında əmlak eksperti Elnur Fərzəliyev bildirib.

Proqnozlara görə, 2023-cü ildə baş verən daşınmaz əmlak qiymətlərinin artımı 2024-cü ildə də gözlənilir. 

Bəs, mənzil qiymətlərində süni artım nə zamana qədər baş verəcək? 

“Ölkədə daşınmaz əmlakın qiymət artımı ən çox 2023-cü ildə baş verib. Keçən ilin noyabr ayına qədər baş verən qiymət artımı əmlak bazarında ciddi problemlər yaratmışdı. Lakin, əslinə qalsa bu sahədə qiymətlər daha çox süni şəkildə artırılırdı. Daşınmaz əmlak alanlar iki yerə bölünür: ilk obyektini alanlar və əlavə daşınmaz əmlak alanlar. Birinci alışda əsasən kreditlər alış və ya ipoteka prosesləri aiddir. İkinci alışa isə yatırım üsulu ilı satınalma daxildir. İnsanlar bu alışı yatırım etmək üçün həyata keçirirlər. Məsələ burasındadır ki, yatırım üsulu daşınmaz əmlak alanların sayı 2023-cü ildə artıb. Beləcə, əmlak bazarında qıtlıq yaranıb ki, bu da qiymətlərin artımına səbəb olub. 
Süni qiymət artımı isə daha çox köhnə binalarda müşayiət edilib. Çünki, köhnə tikilirlər çox vaxt ipotekaya və banka girov götürülmür. Amma, əmlak bazarında fəaliyyət göstərən əhali ümumi qiymət artımına uyğunlaşdırmağa çalışır. Beləliklə süni qiymət artımı yaranır”.

Kirayə mənzil qiymətlərinin artacağını deyən ekspert, bazarda hər ilin eyni vaxtında yüksək rəqabət olduğunu bildirib.

“2024-cü ildə biz daha çox kirayə ev qiymətlərində artım görəcəyik. Bu qiymət artımı hər ilin avqust-sentyabr aylarında baş verir. Hər ilin bu aylarında digər regionlardan gələn tələbələr kirayə ev axtarışına çıxırlar. Bu da bazarda rəqabəti artıraraq qiymət yüksəlişinə səbəb olur. Düşünürəm ki, bu il yenə də kirayə evlərin qiymət artımı olacaq”.

Fərid Axund