Bu gün gecə saatlarında “HƏMAS” rəhbərinin Tehrandakı iqamətgahı raket atəşinə tutulub. Atəş nəticəsində Siyasi Bürosunun rəhbəri İsmayıl Haniyə həyatını itirdi. Hadisə ilə bağlı araşdırmalar aparılır. Digər tərəfdən HƏMAS bunun cavabsız qalmayacağını, İran dini lideri Xamenei isə qisasın İranın borcu olduğunu söyləyib. Bəs növbədə nə var? Bu hadisə Qəzza müharibəsinin gedişatına necə təsir edəcək?
Ednews ərəb ekspertlər arasında sorğu keçirib.
Mövzu ilə bağlı Misirin Ərəb Siyasi və Strateji Araşdırmalar Mərkəzinin direktoru, Dr. Məhəmməd Sadiq İsmayılın sözlərinə görə bu hadisənin əks-sədası olduqca çox olacaq.
"İsmayıl Haniyə HƏMAS hərəkatının simvollarından birini təmsil edir, ona görə də onun öldürülməsi hərəkat üçün təhlükədir və həmçinin HƏMAS ilə İsrail arasında növbəti atəşkəs razılaşmasını təhdid edir. Qruplaşmanın özünə gəlincə, onlar İsraili Haniyənin öldürülməsinə cavab verməklə hədələyir, bu da o deməkdir ki, HƏMAS yaxın gələcəkdə İsrailə qarşı bir sıra hərbi əməliyyatlar keçirəcək , buna görə də regionda böyük bir eskalasiya gözlənir. Qeyd etmək lazımdır ki, bu hadisə İsrailin Livan Hizbullah hərəkatının bir çox liderlərini hədəf aldıqdan sonra baş verib, yəni bölgədə müharibəni genişlənmək istəyən Həmas və Hizbullah yox İsrailin özüdür".
İraq Strateji Araşdırmalar Mərkəzinin rəhbəri, Dr. Moataz Mohi Abdel Hamid isə hesab edir ki, Həmas liderin öldürülməsi Qəzzada atəşkəs razılaşmasının əldə edilməsi şansını əngəlləyəcək:
"HƏMAS liderinin Tehranda öldürülməsi İsrailin Qəzza zolağında apardığı müharibə və Livanda münaqişənin genişlənməsi qorxusunu gücləndirir. Eyni zamanda sözügedən hadisə bir çox sualların yaranmasına səbəb olub, o cümlədən İsrailin yeni prezidentin andiçmə mərasimində iştirak edən ölkə rəhbərlərini qorumaq üçün İranın təhlükəsizlik sisteminə necə müdaxilə edib. Həmçinin, bu hadisə İsrailin istədiyi zaman istifadə edə biləcəyi bir agentlərdən ibarət bir kəşfiyyat sisteminə malik olduğunu göstərir".
İran Siyasətlərinin Təhlili üzrə Ərəb Forumunun sədri Dr. Məhəmməd Möhsün Əbu Əl Nur belə münasibət bildirib:
"Tehranda Fələstin HƏMAS hərəkatının liderini öldürülməsi HƏMAS dan daha çox İrana ziyan vurur və onun dünyadakı siyasi mövqeyini təlükə altına salır. Hadisə ilə bağlı İranın gözlənilən cavabı ilə İran-Amerika danışıqları prosesini çətinləşdirəcək. Bu hadisə həmçinin İsrailin böyük kəşfiyyat sisteminə malik olduğunu göstərir".
Loğman Yunis
