Yaponiyada keçiriləcək seçkilərdə hakim partiyanın məğlub ehtimalı olduqca yüksəkdir. Belə ki, seçkiqabağı sorğular göstərir ki, xalqın hakim partiyaya etimadında ciddi azalma var. Vəziyyət dəyişməsə, hakim Liberal Demokrat Partiyası bu seçkilərdə ya məğlub olacaq, ya da hakimiyyətdə qalmaq üçün  koalisiya qurub “kreslolarını” başqa partiya ilə bölüşməyə məcbur olacaq. Bəs bu nəticələr Yaponiyanın Maliyyə siyasətinə necə təsir göstərəcək?

Bir çox mütəxəssis hesab edir ki, hakimiyyət dəyişikliyi Yaponiya Mərkəzi Bankını yeritməyi planlaşdırdığı yeni maliyyə siyasətini həyata keçirtmək üçün zəruri olan siyasi sabitlikdən məhrum edə bilər. Çünki Yaponiya Mərkəzi Bankının faiz göstəricilərini artırmaq niyyəti demək olar ki, heç bir müxalif partiya tərəfindən dəstəklənmir. Bir çox müxalif partiya nümayəndələri gələn ilin əməkhaqqı göstəricilərinin büdcəyə təsirini hesablanmadan faiz göstəricilərinin artırılmasının əleyhinə çıxış edirlər.

Yaponiyanın aparıcı maliyyə şirkətlərindən hesab olunan “Okasan Secruties” –in  mütəxəssisi Noya Haseqava hesab edir ki, hakimiyyət dəyişsə, yeni hakimiyyət  faiz göstəricilərini qorumaq üçün dövlət büdcəsini israf edəcək, üstəlik uzunmüddətli olanda Yaponiya Mərkəzi Bankının stimullaşdırma siyasətindən çıxışını çətinləşdirəcək.

Baş Nazir Siqeru İsibe 9 Oktyabrda Parlamenti buraxıb Oktyabrın 27-i tarixinə növbədən kənar seçkilər təyin edəndə mütəxəssislər güman edirdilər ki, bu, baş nazirin mövqeyini gücləndirəcək və İsibe rahat şəkildə planlaşdırılan maliyyə siyasətinə keçidə dəstək verəcək. Amma seçkiqabağı sorğular göstərir ki, bu, o qədər də asan olmayacaq.

Xatırladaq ki, Siqeru İsibe dəfələrlə sələfi Şinji Abeni yeritdiyi həddindən artıq yumşaq faiz siyasəti ilə Yaponiyanın fiskal siyasətindəki intizamı pozmaqda ittiham etmişdi. Onu sözüylə “ABekonomika” (Sinji Abenin yeritdiyi stimullaşdırıcı faiz siyasətini belə adlandırırdı) qiymətlərin enməyinin və bu yolla dövlət gəlirlərinin azalmağının ən böyük səbəbidir.