Klublararası dünya çempionatında 1/8 mərhələnin görüşü başa çatıb.
“EDnews” xəbər verir ki, ABŞ-də keçirilən turnirin pley-off mərhələsində PSJ "İnter Mayami" ilə üz-üzə gəlib.
Oyun sanki UEFA Çempionlar Liqasının bumövsümkü finalını xatırladıb. Lakin bu dəfə Paris klubunun qurbanı İtaliyanın deyil, ABŞ-nin "İnter"i olub. O zaman italyanları 5 cavabsız qolla məğlub edən fransızlar, indi Mayami təmsilçisindən 4:0 hesabı ilə üstün olublar.
Beləliklə də, Luis Enrikenin yetirmələri "Palmeyras" və "Çelsi"dən sonra Klublararası dünya çempionatın 1/4 finalına vəsiqə qazanan üçüncü klub olub.
Qeyd edək ki, hazırda "İnter Mayami"də çıxış edən futbol ulduzu Lionel Messi sabiq komandasına qarşı oyunda heç nə ilə yadda qalmayıb.
