Bəzən elə geyim tərzləri olur ki, həddən artıq açıq-saçıqlığı ilə digərlərindən seçilir. Bu geyim tərzinə bəzi xarici ölkədə normal baxsalar da, Azərbaycanda yaxşı baxmırlar. Belə geyinənləri qınaq obyektinə çevirilər. Həqiqətənmi, açıq-saçıq geyim tərzi dəbin bir növüdür, yoxsa xaricdən gələn bir tendensiyadır?
Modelyer Şəlalə Maqsudova Ednews-a bildirib ki, hər il və hər fəsildə xarici dizaynerler moda aləmində yeni biçimli geyimləri insanlara teqdim edirlər.
“Təbii ki, burda dekoltə açıq formada və yaxud mini ətəklərdə təqdim olunur. Amma bəzən dəbdə olmayan acıq-saçıq geyimler var ki, xanımlar dəbi izləmədən həmin geyimləri öz qordiroblarında saxlayırlar”.
Moelyer onu da vurğuladı ki, sentyabr ayında İtaliyanın Milan şəhərində keçirilən sərgilərdə iştirak etdim. Burada bir neçə xarici dizaynerlərin geyimləri təqdim olunurdu:
“Diqqətlə fikir verdim ki, sərgidə dizaynerlər ən çox parçaların keyfiyyətinə, daha sonra isə biçim formalarına fikir verirlər. Bəzən onların hazırladığı sadə geyim olur, amma çox fərqli biçimdə dizayner olunur. Məhz xarici dizayenlər bu biçimlərə daha çox üstülük verirlər. Təbii ki, kolleksiyada olan geyimlərin açıq-saçıqlığı ancaq sinə dekoltəsindən və birdə mini ətəklərdən ibarət olur. Demək olar ki, geyimlərdə açıq-saçıqlıq ancaq bunu göstərir”.
Ş.Maqsudova onu da qeyd etdi ki, modanı, geyimi təbliğ edən təbii ki, göz önündə olan insanlardır. Müğənnilər, aparıcılar və s.
“Əslində bu xanımların əsas hissəsi modanı təbliğ etmir. Onların əksəriyyəti göz oxşayan, diqqət çəkən açıq-saçıq geyimləri ilə yadda qalmaq istəyirlər. Əslində bu dəb deyil. Və yaxuddakı xaricdən götürülən dəb anlamına gəlmir.
Ümumiyyətlə, geyimdə 3 fərqli amil var ki, insanların diqqətini çəkir.
1. Geyimdə rəngin seçilməsi. Tutaq ki, sadə bir geyim geyinmişik, amma çox diqqət çəkən rəng seçilərsə o zaman geyimin rəngi önə çıxır. Onun forması, biçimi, ortalığa qoyulmur.
2. Geyimin biçimidir. Diqqət çəkməyən bir rəngdə, fərqli bir biçimdə geyinirsən o biçimi ilə insanların yaddaşında qalır.
3. Geyimin vulqar dərəcədə açıq-saçıq olması, orda rəng də parçada önəmli olmur. Bədəndə geyim o qədər açıq-saçıq olur ki, sadəcə diqqət çəkir”.
Aynurə İsmayıl
