İstanbul danışıqlarında iştirak edəcək Ukrayna nümayəndə heyətinin tərkibi açıqlanıbİstanbulda aparılacaq danışıqlarda Ukrayna nümayəndə heyətini xarici işlər naziri Andrey Sibiqa, müdafiə naziri Rüstəm Umerov, Prezident Ofisinin rəhbəri Andrey Yermak və onun iki müavini təmsil edəcək.
EDnews xəbər verir ki, bu barədə Ukrayna KİV-i mənbəyə istinadən məlumat yayıb.
Ukraynada vəziyyətin nizamlanması ilə bağlı danışıqlar üç il əvvəl görüşlərin keçirildiyi eyni məkanda baş tutacaq. Danışıqların başlanması Moskva vaxtı ilə saat 10:00-a planlaşdırılıb.
Bildirildiyi kimi, RF nümayəndə heyətinə danışıqlarda RF prezidentinin köməkçisi Vladimir Medinski rəhbərlik edəcək. Həmçinin nümayəndə heyətinə XİN başçısının müavini Mixail Qaluzin, RF Silahlı Qüvvələri Baş Qərargahının Baş İdarəsinin rəisi İqor Kostyukov, müdafiə nazirinin müavini Aleksandr Fomin daxildir.
Mədinə Məmmədova\\EDnews
