"Foruma qatılmaq mənim üçün çox maraqlıdır. Artıq bu forum haqqında "Markovun Logikası" adlı Telegram kanalımda yazmışam. Azərbaycanlıları abunə olmağa və aktiv iştirak etməyə dəvət edirəm, şərhlərim açıqdır. Şərhlərdə Azərbaycanı çox tənqid edir və hücum edirlər. Gəlin, Azərbaycan mövqeyini müdafiə edin".
Ednews xəbər verir ki, bu fikirləri rusiyalı politoloq Sergey Markov bildirib.
O daha sonra qeyd edib ki, İlham Əliyevin neokolonizmlə mübarizəsi həqiqətən möhtəşəmdir:
"Forumda məni heyran edən məqamlar haqqında artıq yazmışam. Əvvəla, Azərbaycan prezidenti açıq-aydın dedi ki, biz Fransa koloniyalarının dekolonizasiyası uğrunda mübarizəni davam etdirəcəyik. Bu, həqiqətən dünya üçün möhtəşəm bir xəbərdir və böyük siyasətdə olan bütün insanlar çox diqqətlə baxır və Azərbaycanın fəaliyyətinə heyran qalırlar. Bir çoxları bunu görmür, amma bu, bütün dünya üçün super bir xəbərdir. Bu peşəkar müzakirələrdə iştirak etmək mənim üçün də çox xoşdur. Problemlər kifayət qədər sadədir: bir çox insan həqiqəti yalandan ayırd edə bilmir və onlara xoş gəlmir ki, KİV-lər, xalqları dost etmək əvəzinə, əksinə, nifaq salırlar. Bu düzgün deyil və insanlara necə etmək lazımdır ki, KİV-lər pislik üçün deyil, yaxşılıq üçün işləsinlər. Biz bununla məşğul oluruq".
Politoloq daha sonra süni intellektlə bağlı fikirlərini bölüşüb:
"Bundan başqa, süni intellekt də böyük bir mövzudur. Jurnalistlər qorxurlar ki, süni intellekt onların yerinə yazacaq. Bu, artıq tez-tez baş verir və bir çox insanlar qorxurlar ki, süni intellekt hakimiyyəti ələ alacaq. Biz insanlar üçün pişiklər kimi olacağıq, yəni süni intellekt bizi yemləyəcək, amma hər şeyi o həll edəcək. Bu ciddi problemdir və dünən prezidentdən soruşduqda, o dedi: "Biz, siyasətçilər, sizin müzakirənizi gözləyirik. Siz burada müzakirə aparıb süni intellektlə nə etmək lazım olduğunu müəyyən edəcəksiniz".
Politoloq iki ölkə arasında olan sülhün əsasları barədəsində danışıb:
"Bu, mənim üçün də çox maraqlıdır. Azərbaycan və Azərbaycan problemlərinə gəldikdə isə, Azərbaycanın sülh müqaviləsi ilə bağlı mövqeyini öyrənmək çox maraqlı idi. Birinci tələb – Ermənistan Konstitusiyasının dəyişdirilməsi. İkinci tələb – Ermənistanın ATƏT-in Minsk Qrupunun demontaj edilməsini təklif edərək Azərbaycana qoşulmasıdır. Bu, vəziyyəti tənzimləməyə mane olur. Onu ləğv etmək lazımdır, çünki o, Qarabağ münaqişəsinin tənzimlənməsi üçün yaradılmışdı və artıq mövcud deyil. Qarabağ münaqişəsi tamamilə Azərbaycanın nəzarəti altındadır və normal sülh həyat qurulur".
O son olaraq Qərb ölkələri və Ermənistan hakimiyyətinin fərqli siyasət yürütdüyünü dedi:
"Paşinyan Konstitusiyaya dəyişikliklər etməyə qorxur, öz maraqlarında bir şeyləri birləşdirmək istəyir, amma tam təsdiqlədikdə ki, Qarabağ – Azərbaycandır, onu devirməyəcəklərindən qorxur. Fransa, ABŞ, Avropa İttifaqı və NATO kimi qərb ölkələri ona kömək edə bilər, ticarət davam etdikcə. Onlar deyirlər ki, Ermənistana Azərbaycana qarşı mübarizədə dəstək verəcəklər, əgər Ermənistan Rusiyanı tərk etsə. Paşinyan deyir ki, biz mütləq Rusiyanı tərk edəcəyik, amma əvvəlcə dəstək verin.
Bu ticarət davam edir və Paşinyan kifayət qədər dəstək alacağını və ya sülh müqaviləsinə getməli olub-olmayacağını hesablamaq istəyir. Üçüncü səbəb – Makron Azərbaycanı Fransız xalqlarının dekolonizasiya uğrunda ədalətli mübarizəsini dəstəklədiyi üçün məyusdur. Mən düşünürəm ki, Makron Paşinyandan Azərbaycan prezidenti Əliyevlə Londonda görüşü pozmasını xahiş etdi".
Xəyal Ramiz
