“Biz insanların müraciət etdiyi ünvanlarda olmuşuq. Bu mənada partiyaların, demək olar ki, heç biri bizimlə müqayisə oluna bilməz. Bu gün də missiyamızı parlamentdə davam etdirmək istəyirik".
Bu sözləri Azad Vətən Partiyasının sədri Akif Nağı Ednews-a açıqlaması zamanı deyib.
Digər partiya sədrləri Akif Nağının fikirlərinə münasibət bildirib.
Müasir Müsavat partiyasının sədri Hafiz Hacıyev:
“Bunu heç kim müəyyənləşdirə bilməz. Nə qədər ki, seçkilər keçirilməyibdir, qalib partiya ortaya çıxmayıbdır, Akif Nağı onu müəyyənləşdirə bilməz. Akif müəllim səhv edib. Bir də deyərdim ki, Akif bəyin əlimizdə o qədər faktları var ki, onu deyərik sonra aramızda narazlıq olar. Yəni Akif bir az səriştəli fikir yürütməlidir. Niyə o biri partiyaları aşağılamalıdır? Ona o səlahiyyəti kim verib? Mənim rayon təşkilatımın üzvləri qədər Akif Nağının partiyasında adam yoxdu. Bunları deməkdə əlimizdə faktlar var və bunu da deyə bilərik. Amma istəmirik axı bu səviyyəyə düşək. Akif bəy düz deyir, ona heç kim heç nə deyə bilməz. Ona görə ki, heç kim xarici dövlətlərə satıla bilməz. Onu da düz deyir. Haqlıdır. Heç kim başqa dövlətə işləmir. Bütün partiyalar istəyir ki, parlamentdə təmsil olunsun. Bizim də partiyamız 4 dəfə prezidentliyə namizədlik vermiş partiyadı. Kifayət qədər rayon təşkilatlarımız var. Amma biz öz dövlətimizə xidmət edirik. İndi Akif bəyin dediklərinə çox güclü arqumentlərimiz var. Onu deyə bilərik amma istəmirəm. Görsək ki, bizim bu açıqlamamızdan sonra yenə etikaya uyğun olmayan sözlər işlədib hər halda onda qəti fikrimizi bildirərik”
Ümid partiyasının sədri İqbal Ağazadə:
“Mənim burda deyəcəyim bir şey yoxdu. Adam belə düşünür belə deyir. Adamın düşüncəsinə nə münasibət bildirəcəm ki? Adam hesab edir ki, bundan yaxşı hazırlaşan yoxdu. Lap yaxşı. Hesab etsin. Mən nə deyim ki?! Boş şeydi mənim elə bir şeyə münasibət bildirməyim. O elə də düşünür, elə də deyir. Mən düşüncələrə hörmət edirəm”.
Xəyal Ramiz
