"Beynəlxalq Ədalət Məhkəməsi öz yüksək statusuna və adına layiq deyil. Mən Ermənistanla Azərbaycan arasındakı son debatları izləyirəm və məndə belə bir təəssürat yaranıb ki, bu təşkilat hüquqidən daha çox siyasi və lobbiçi bir təşkilatdır".

Bu ifadələri Ednews-a özəl açıqlamasında erməni siyasi fəal İşxan Verdiyan söyləyib. O vurğulayıb ki, Ədalət Məhkəməsində qərarlar sübutlara əsaslanaraq deyil, məhz hazırda siyasi cəhətdən sərfəli olan tərəfin emosional çıxışları, emosional çıxışları əsasında qəbul edilir. 

“Ya bu məhkəmənin resursları məhduddur və tərəflərin dediklərini təsdiq və ya təkzib edə biləcək özünün sübut aparatı yoxdur, ya da sadəcə olaraq belə aparata ehtiyac yoxdur, çünki siyasi qərəzli qərarlarda faktiki komponent həlledici rol oynamır. Məhkəmə qərarları da çox vaxt məcburi qüvvəyə malik deyil, lakin “Laçın yolunun blokadası” məsələsində mükəmməl şəkildə nümayiş etdirildiyi kimi, sonrakı manipulyasiyalar üçün əsasdır.

Zənnimcə bu məhkəmədə hüquqlarınız üçün mübarizə aparmağın yeganə yolu, ölkə tərəfdən məhkəmənin siyasi gündəmini poza bilməsələr də, ən azından onu gülüş obyektinə çevirə biləcək və bacarıqsızlığını sübut edə biləcək təcrübəli peşəkar vəkillərin olması ola bilər. Digər tərəfdən, hüquqi mübahisələrə, həmişə siyasi mübahisələrdən daha çox üstünlük verilir. Çünki siyasi bəyanatlardan fərqli olaraq, məhkəmədəki ifadələr həmişə sübut tələb edir və orada “etnik təmizləmə”, “soyqırım” və s. kimi tezislərdən sərbəst şəkildə istifadə etmək mümkün deyil”.

Əkbər Novruz