8 Noyabr – Zəfər Günü, Azərbaycanın tarixində tutmuş olduğu və hər zaman tutacağı, xatırlanacağı qürurlu günüdür.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusu Ermənistanın ardıcıl təxribatlarının və yeni işğal planlarının qarşısını almaq, işğal altında olan torpaqlarımızı azad etmək məqsədilə 2020-ci il sentyabrın 27-dən etibarən başladığı zəfər yürüşündə inanılmaz uğurlar əldə etmişdir.
Sentyabr ayının 27-də başlayaraq, ta ki, noyabrın 10-na qədər elə bir gün olmadı ki, Azərbaycanın dövlət başçısı İlham Əliyevə, dövlətinin digər ali hakimiyyət orqanlarının rəhbərlərinə savaşı dayandırmaqla bağlı təzyiq dolu zənglər gəlməsin. Azərbaycan ordusu ilə birgə xalq da öz dəstəyini əsirgəməyərək öz dəstəyini fərqli – fərqli platformalarda, media sahəsində, qurumlarda göstərərək mübarəzəsini aparmışdır.
Ermənilərin əziz dostu Fransanın prezidenti Emmanuel Makron sakit kənara çəkilir, Almaniyanın kansleri Angela Merkel durmadan zəng edir, ondan sonra Brüsseldən, ATƏT-dən, Avropa İttifaqından, Avropa Şurasından zənglər gəlirdi. Vaşinqtonun başı öz daxili işlərinə qarışsa da, ən azı Senatın nümayəndələr palatasının spikeri Nensi Pelosi, senatorlar Frenk Pallone, Robert Menendes və başqaları ABŞ dövlətinin adından danışırdılar. Onların hamısı 28 ildən çox işğal altında qalan torpağını azad etmək istəyən Azərbaycan dövlətinə hərbi əməliyyatların dayandırılmasını “əmr edirdi”.
Onlar zənn edirdilər ki, 30 il boyunca boyun qaçırdıqları münaqişədən yenə bir – iki qətnamələr verib, “qınayıb”, rahatlıqla həll edəcəkdilər. Lakin bu baş vermədi, Azərbayan ordusu öz müvəffəqiyyətini, suverenliyini, realist və doğru siyasətini məkanda tətbiq etdi.
44 gün sürən hərbi əməliyyatlar nəticəsində rəşadətli Azərbaycan Ordusu tərəfindən Cəbrayıl(04.10.2020), Füzuli(17.10.2020), Zəngilan(20.10.2020), Qubadlı(25.10.2020), Şuşa(08.11.2020), Ağdam(20.11.2020), Kəlbəcər(25.11.2020), Laçın(01.12.2020).
Bununla birlikdə Zəngilan rayonunun Mincivan, Ağbənd, Bartaz qəsəbələri, Xocavənd rayonunun Hadrut qəsəbəsini və bir çox kəndləri, Tərtər rayonunun Suqovuşan kəndi, Xocalı və Laçın rayonlarının bir neçə kəndləri daxil olmaqla, ümumilikdə, 300-dən çox yaşayış məntəqəsi, o cümlədən Ağdərə, Murovdağ və Zəngilan istiqamətlərində mühüm strateji yüksəkliklər işğaldan azad edilmişdir. 8 noyabr zəfəri isə təkcə hərbi poliqonda qazanılmadı, eyni zamanda diplomatik cəbhədə, informasiya məkanında qazanıldı və uğurlu həmlələr bir-birini tamamladı.
Bu gün isə həmin Zəfər Gününün 3 – cü ildönümü olacaq və keçirildiyi gün çox xüsusi bir şəkildə qeyd olunacaq. Xalq bu zəfəri daha coşqulu, daha təntənəli qeyd edəcək. Şəhidlərimiz daha çox əzizlənib, qazilərimizə isə daha böyük dəyərlər veriləcək.
Hazırda bütün bu reallıqlar ayrı bir sferada Azərbaycan xalqının sevincinin həddi – hüdudu olmayacaq bir şəkildə qeyd olunacaq. Artıq Azərbaycan ordusu öz ərazilərinin suverenliyini bərpa etmiş, seperatçıları ərazisindən qovaraq özünün möhkəmliyini təmin etmişdir. Azərbaycan Respublikası söylənilən fikirlərə əhəmiyyət verməyərək seperatçıların “tetris”ə bənzər bayraqlarını aradan qaldırdılar.
Sözsüz bütün bunlara rəsmi şəkildə son qoyacaq hadisə isə elə Xankəndidə, Azərbaycan ordusunun keçirəcəyi paradda yaşanacaq. Qondarma rejimin vaxtilə fəxrlə nümayiş etdirdiyi ordusunun, həmin məkanında indi Azərbaycanın şanlı ordusu hərbi parad keçirəcək. Özü də, Zəfər Bayramı Günündə. Bu artıq bütün xalqımızın sevincə qərq olmasına, şəhid və qazi analarının hüznlə sevincinin ahənginə və rahatlayışına səbəb olacaq. Bununla da biz bütün dünyaya və ələxsus Ermənistan hökümətinə öz sözümüzü əməldə, növbəti bir akt ilə nümayiş etdirmiş olacayıq.
Bizə isə düşən vəzifə bu gözəl günü xalqa bəxş edənlərə minnətdarlıq bildirməkdir. Ali Baş Komandan Prezident İlham Əliyev başda olmaqla, döyüşən generallara, polkovniklərə, digər zabitlərə və naməlum əsgərə qədər qələbədə əməyi keçən hamıya təşəkkürlərimizi bildirir, Allahdan şəhidlərimizə rəhmət, qazilərimizə isə cansağlığı arzu edirik.
Qarabağ Azərbaycandır! Yaşasın Qarabağ, yaşasın şanlı Azərbaycan!
Əkbər Novruz
