“Mən NATO ölkələrinin Rusiya ərazisini işğal etmək üçün hər hansı cəhd edəcəyinə inanmıram. Lakin onların müdafiə siyasətlərini, xüsusən də Baltikyanı dövlətlərdə, məsələn, Estoniyanın Rusiya sərhədi yaxınlığında istehkamlar inşa etməsini gücləndirdikləri danılmazdır”.
Bu fikirləri ingilis politoloq Neil Uotson Ednews-a açıqlaması zamanı qeyd edib:
O daha sonra bildirib ki, NATO qüvvələrinin Rusiyaya hücumu hələ ki, real görünmür:
“Fikrimcə, bir çox hərbi strategiyada olduğu kimi, bu maxinasiyalar mümkün təcavüzkara - indiki halda Rusiyaya hücum baş verərsə, sərhədə yaxın obyektləri olan, ağır silahlanmış və vahid NATO-nun dərhal işə düşə biləcəyini göstərmək üçündür. Bundan əlavə, bu kimi addımlar özlərini təhlükə altında hiss edən ölkələrin əhalisi tərəfindən müsbət qiymətləndirilir və mövcud hökumətlərin və dövlət başçılarının seçilməsinə kömək edəcək. Fakt budur ki, mən Rusiyanın Polşada NATO-nun nüvə obyektlərini hədəfə almaqda və ya Baltikyanı ölkələri işğal etməkdə maraqlı olduğuna inanmıram. Əslində, Rusiya öz qoşunlarının yerləşdirilməsini azaltmağa çalışır, xüsusən də arzuladığı təsir imkanlarını saxlamaq şansının az olduğu şəraitdə. Həmçinin bu, Rusiya “sülhməramlılarının” Qarabağda yerləşdirilməsinin tezliklə məhdudlaşdırılmasını əhatə edir”.
Politoloq vurğulayır ki, Ukrayna Rusiya üçün xüsusi bir regiondur:
“Mən həmişə bəyan etmişəm ki, Ukrayna Rusiya üçün çox xüsusi bir vəziyyətdir və o, doğrudan da, doğru və ya yanlış olsun – Ukraynanın çox hissəsini öz ərazisi hesab edir. Bu münaqişənin aradan qaldırılmasından sonra prezident Putin daha çox müharibəyə başlamaq istəməyəcək. Ancaq narahatlıq ondan ibarətdir ki, əgər Qərb bəzi məqsədlərinə çatarsa və ya NATO həddən artıq təxribatçı olarsa Rusiyadakı bəzi digər əraziləri də ələ keçirməyə çalışacağaq. Amma bu da real görünmür. Lakin Qərb siyasətçiləri, xüsusən də Baltikyanı ölkələrdə - yadda saxlamalıdırlar ki, rusya qarşı yönəlik siyasət onlara baha başa gələ bilər”.
Xəyal Ramiz