Oktyabrın 7-dən bu yana Qəzzada minlərlə insanı qətlə yetirən, bütün hərbi cinayətləri törətməklə fələstinlilərə qarşı soyqırım törədən İsrail rəhbərliyinə pis xəbər gəldi.

Ednews Reuters-ə istinadən xəbər verir ki, bütün dünyaya İsrail inzibatçılarına qarşı həbs orderlərinin verilməsi istiqamətində ilk addımın atıldığını elan edib. 

Reuters-in verdiyi məlumata görə, Beynəlxalq Cinayət Məhkəməsi İsrailin yüksək səviyyəli siyasi və təhlükəsizlik məmurlarına qarşı həbs orderlərinin verilməsində ilk addım olaraq Qəzzadakı Əl-Şifa və Nasser xəstəxanalarının işçilərindən dəlillər toplayıb. Buna görə də təkcə xəstəxana daxilində deyil, onun ətrafında baş verən hadisələr də həbs qərarı prosesinə daxil edilə bilər.

İsrail mətbuatında yer alan xəbərlərdə minlərlə insanın ölümünə səbəb olan Benyamin Netanyahunun həbs qərarının qarşısını almaq üçün sıx telefon trafiki həyata keçirdiyi, ICC-də nüfuz sahibi olan liderlərlə telefon diplomatiyası apardığı bildirilib. 

İsrailli jurnalist və siyasi analitik Ben Kaspit izah etmişdi ki, Netanyahunun “liderlərə telefonla dayanmadan təzyiq göstərməsi” və BCM tərəfindən ona qarşı həbs orderinin verilməsi ehtimalından “qeyri-adi əsəbi ” olub.

Xəyal Ramiz