“Bakı ilə İrəvan arasında səhəddə delimitasiya prosesi və demarkasiya müzakirələri sülh müqaviləsi üçün düzgün yoldur. Prezident İlham Əliyevin uzaqgörən siyasəti, bütün Cənubi Qafqaza müsbət təsir göstərən, regional sülh və iqtisadi inkişaf strategiyası yaradıb.”

Bu fikirləri Ednews-a açıqlamasında amerikalı siyasi ekspert Piter Teys deyib. Ekspert qeyd edib ki, Qərb dünyasında dövlətlər Cənubi Qafqaza fərqli münasibət bəsləyirlər:

“İtaliya Respublikası Qarabağda daşınmaz əmlak, ərzaq sənayesi və turism sektorlarında yeni potensial aşkar edib və bu regionda aktiv iqtisadi rol üstlənmək istəyir. Buna baxmayaraq, Fransa və bəzi digər təxribatçı aktorlar Azərbaycanla Ermənistan arasında yaranan dostluq münasibətlərini yubatmaq istəyir.

Almatı bəyannaməsi və 1991-ci ilin dekabr deklarasiyası SSRİ-dən ayrılan bütün respublikalar üçün demokratik əsas hesab edilir.

Azərbaycan höküməti bundan sonra da demokratiyanın gücləndirilməsi üçün Cənubi Qafqaz ölkələri ilə qarşılıqlı hörmət əlaqələri prinsipi yaratmağa çalışır. Azərbyacan Ermənistanla sülh yaratmaq üçün enerji və digər vəsaitlər xərcləyib. Bakı insan hüquqları, azadlıq və etnik azlıqların ədalətli şəkildə qorunması üçün çalışıb. Azərbaycan sülh üçün doğru yol seçib və regionda təhlükəsizliyin əldə edilməsi üçün böyük rol oynayır.”

Fərid Axund