Xəbər verdiyimiz kimi, Avropa Parlamenti Ermənistanın Aİ üzvlüyünə namizədlik imkanlarını nəzərdən keçirən qətnamə qəbul edib. qətnamənin lehinə 504, əleyhinə 4 səs verib. 32 nəfər bitərəf qalıb.
“Əgər Ermənistan namizəd statusu almaqda maraqlı olsa və demokratiyanı gücləndirən islahatlar yolu ilə getməyə davam edərsə, bu, Aİ-Ermənistan münasibətlərində transformasiya mərhələsi üçün əsas ola bilər”, - qətnamə layihəsində deyilir.
Qətnamə Cənubi Qafqaz regionunda nələrisə dəyişdirə bilər? O cümlədən belə bir qərarın Ermənistanın Azərbaycanla münasibətlərinə, sülh müqaviləsi məsələsinə təsiri necə olacaq?
Mövzu ilə bağlı Ednews-a açıqlamasında politoloq Tofiq Abbasov bildirdi ki, Aİ Ermənistanla bağlı demək olar yeni oyuna başlayıb. Bu oyunun özəyində bir ideya, qayə dayanır:
“Onlar çalışırlar ki, Ermənistanı özlərinə tərəf çəksinlər. Bu kollektiv qərbin məramıdır. İlk növbədə istəyirlər ki, Ermənistanı Rusiyadan uzaqlaşdırsınlar, ikincisi isə İrandan kənar tutusunlar. Üçüncüsü isə guya gələcəkdə onları Türkiyə ilə barışığa hazırlasınlar. Və nəhayət müəyyən şərtlərlə həm də Azərbaycanla sülh müqaviləsinə imkan yaratsınlar. Çalışırlar ki, bütün prosesləri regionda yeni formata oturması məhz qərbin istəyi ilə baxışları ilə, onun formatları ilə həyata keçsin. Amma elə başa düşürəm ki, Aİ-nın, qərbin potssovet ölkələri ilə bağlı planlarının hamısı hiylə üzərində qurulub. Şərq tərəfdaşlığı yaradılandan sonra orda Qafqaz regionundan 3 ölkə var: Azərbaycan, Gürcüstan və Ermənistan. Moldova, Ukrayna, Belarusiyanı da qeyd edim. Elə ki, Rusiya ilə Gürcüstan arasında bu yaxınlarda bir balaca yaxınlaşma, istiləşmə işartıları birüzə verdi, dərhal Aİ bildirdi ki, Gürcüstanın Aİ-na üzvlüyü məsələsi gündəmə gəlir. Ona qədər Moldova və Ukrayna üçün daha əlverişli bir rejim yaratdılar. Sonra viza rejiminin aradan götürülməsi məsələsini gündəmə gətirmişdilər. Amma Gürcüstanı hardasa gözüm çıxdıya saldılar. Çünki Gürcüstan Rusiya ilə hava əlaqələrini bərpa etməyə başladı. İlk addımlar atıldı ki, barışığa doğru hərəkət etsinlər və.s”.
T.Abbasov qeyd etdi ki, hazırda Gürcüstan üçün də şərait yaratmağa, formalaşdırmağa çalışırlar:
“Bu həm də Azərbaycanla Türkiyəyə gözdağı vermək cəhdidir. Çünki Aİ onları şirnikləşdirir, həvəsləndirici şərait yaradırlar. Necə olur ki, faktiki olaraq Aİ-na qəbulun özünün tələbləri var. Birincisi ölkədə sabitlik olmalı, demokratik proseslər yüksəs səviyyədə getməli, hakim qüvvələr bu proseslərdən kənar durmalı deyillər. Bu baxmıdan biz görürük ki, indi həqiqətən də həm Vaşiqton, həm Brüssel – ilk növbədə Brüssel burada öndədir. Amma onun arxasında Vaşiqton dayanır. Bəhs etdiyim məsələlər yeni oyunun aktlarıdır. İnanmıram ki, bu yaxınlarda Ermənistan Aİ-na üzv olsun”.
Oğuz
